Read lango Jabuli 132 Bible Online

Jabuli 132 - lango bible

Jabuli 132

¹Wer me yito malo Po pi Daudi, Ama Rwot, kede pi cannoro luŋ ame yam en obedo kanyo;

²kite ame rik en okwoŋo kede baŋ Rwot, kite ame en okwoŋo kede baŋ Won Twer Ducu a Yakobo, kun kobo ni,

³“Mom abino donyo i oda, akadi yito i wi tandana.

⁴Nino daŋ mom bino mako waŋa, dok mom daŋ abino miyo waŋa,

⁵tuno ka doŋ anwoŋo kabedo pi Rwot, kabedo a Won Twer Ducu ame obedo me a Yakobo.”

⁶Nen ba, wan owinyo pire Eprata, onwoŋo tye i potti me Jaar.

⁷“Owot wunu kan ame en bedo iye, me owot owore wunu i ŋet ka teno tyene.”

⁸Ya doŋ malo, Ama Rwot, me iwot i ka weoni, Yin karacel kede canduk me tekoni.

⁹Mi olamdoggi oruk ruk me kite atira, mi joni acillel i yomcuny.

¹⁰Ama Rwot Obaŋa, kur ikwer winyo kop a danoni ame iwiro kede moo! pi marri a mom lokere i kom amironi Daudi.

¹¹Rwot rik okwoŋo kwoŋ me ateni baŋ Daudi, ame mom dok romo loko tammere iye me kobo ni, “Abino keto atin awobi acel i akina ikwai, me bedo abaka, en bino bedo i wi kom me locci.

¹²Ka ce ikwaini ducu bino gwoko cikerena, kede kop me caden ame abino pwonyogi kede, abino keto itinogi daŋ bedo i wi kom me locci, gin bino bedo i loc nakanaka.”

¹³Rwot doŋ otyeko yero Cion, kun mito ni bed paco me bedo mere,

¹⁴En okobo ni, “Kan doŋ bino bedo ka weona nakanaka; an doŋ abino bedo kan pien cunya omito.

¹⁵Abino miye winyo, ate miye nwoŋo jami abup ame en mito, ocan luŋ ame tye iye abino miyogi ocamo kwon oyeŋ.

¹⁶Abino miyo olamdog ame tye iye ruko ruk me larre, jo mere acil bino redo i yomcuny.

¹⁷Abino yero ŋat acel i akina ikwae a Daudi me bedo abaka; doŋ atyeko tiyo tara pi danona ame atyeko wiro kede moo.

¹⁸Abino miyo lewic ciro okworrere oko, tok loccere keken en ame bino meny i wie malo.”