Read lango Jabuli 137 Bible Online

Jabuli 137 - lango bible

Jabuli 137

¹Rik obedo piny i ŋet kulo me Babulon, ote kok kuno atek i kare ame opo pi Cion.

²Oŋabo naŋa opukwa malo, i kor yen ame tye i dog kulo kuno, lo ame onwoŋo omakowa me terowa iyi opii, openyowa ni myero owerrigi werroro,

³Jo ame odiowa openyowa me werrigi werroro me yomoro cunygi, kun okobo ni, “Werriwa wunu werrogo me Cion.”

⁴Wan otwero wero wer a Rwot, i lobo a rok ocele i yore aŋo?

⁵Jerucalem we, ka ce wia owil i komi, ciŋa me tuŋ cem myero mit oko!

⁶Leba myero mok oko i dana, ka ce mom apo piri, ka mom atamo piri, yin Jerucalem, acalo gin ame yomoro cunya akato ducu!

⁷Po pi kare ame Jerucalem oneno can iye, Ama Rwot, icul waŋe i kom jo Edom, Poyo kite ame onwoŋo gin kobo kede ni, “Mumuko wunu apama mere oko, mumuko irereto wunu piny, naka iyi acakki tere!”

⁸Yin Babulon, yin ayak! Ŋat ame bino culo kworwa i komi, kede gin ame itimo i komwa, bino bedo i yomcuny!

⁹Ŋat ame bino mako itinoni atino, te bedo reretogi i kom kidi, bino bedo i yomcuny!