Read lango Jabuli 138 Bible Online

Jabuli 138 - lango bible

Jabuli 138

¹Man wer ame Daudi owero. Apwoi kede cunya ducu, Ama Rwot, awero wer me paki naka i nyim cal jogi.

²Aryebere piny i nyimi i odi acil, ate pako nyiŋi pi marri a mom lokere, pien yin igenne; Pien nyiŋi kede koppi loo jami ducu.

³Pien rik akok baŋi, yin igamo doga, rik ite medda tekcuny.

⁴Obakki luŋ me wi lobo bino paki, Ama Rwot, pien gin doŋ otyeko winyo kop ame yin ikomi ikobo.

⁵Gin bino wero wer pi gin ame yin Rwot itio, pien kwogo ame yin Rwot itye kede dwoŋ meicel.

⁶Kadi bed yin Rwot ibedo malo kannabor meicel, cite pwod iparo pi ocan ame mwol, ento jo ame wakere, yin iŋeogi oko i kannabor.

⁷Kadi bed awoto ame can ogura oko dyere, yin gire pwod igwoko kwona; iryeo ciŋi me juko akemo okworra, ite lara oko i ciŋi me tuŋ cem.

⁸Rwot bino cobo yik luŋ ame en tye kede pira; mar meri a mom lokere bedo nakanaka, Ama Rwot. Kur iwek gin ame yin itio i ciŋi ata.