Read lango Jabuli 140 Bible Online

Jabuli 140 - lango bible

Jabuli 140

¹Baŋ adwoŋ wer: Man wer ame Daudi owero. Lara i ciŋ jo areco, Ama Rwot, gwoka daŋ i ciŋ jo ame timo tim me byemi.

²Ame yiko koppogo areco i cunygi, dok omaro ero lweny tere i tere.

³Kop ame ya i doggi kec calo kwir a twol, kwir codocodo tye i te lebgi.

⁴Gwoka, Ama Rwot, gwoka i ciŋ otim tim areco, gwoka daŋ i ciŋ jo ame timo tim me byemi, gin doŋ otyeko yiko kop meretta.

⁵Jo awakere otyeko ciko owicgi kan adin pira, ociko owic kede tol kun omito maka kede, ociko owic i ŋet yo ducu ame kura akura.

⁶Akobo baŋ Rwot ni, “Yin ibedo Obaŋana”; cik yiti iwiny kwacca ame abako kede doga baŋi, Ama Rwot.

⁷Ama Rwot, ame obedo Rwotta, ka larrena atek ame an ageno, yin ibedo tok me wumo wia i kare me lweny,

⁸Ama Rwot, kur imi jo areco gin ame gin omito pe iye yikgi areco cobere.

⁹Kur imi jo ame lwenyo i koma loa mi kopgi areco ame gin onwoŋo, omito timo, dok i komgi.

¹⁰Mi loti mac alyet ocorre i komgi, owaŋgi! migi orette i bur atut meicel, ame mom dok oromo yaa.

¹¹Mi jo ame kobo kop me balo nyiŋ owotegi, bed pe i lobo mi can ru neko jo a kitegi reco oko oyotoyot.

¹²Aŋeo ni Rwot pido pi jo ame ocan, dok ŋolo kop kakare pi jo a piny oloo.

¹³Ateteni, jo ame kitegi atira bino pwoyi, jo ame cunygi ler, bino bedo i nyimi.