Read lango Jabuli 141 Bible Online

Jabuli 141 - lango bible

Jabuli 141

¹Wer Jabuli ame Daudi awero Akok baŋi, Ama Rwot, ru bino baŋa oyotoyot! cik yiti iwiny dwona ka akok baŋi,

²mi kwacca bed calo odok akur ame owaŋo i nyimi me yalli, kede ciŋa ame ataŋo baŋi bed acalo mot ame omio me yalli otyeno.

³Gwok doga, Ama Rwot, dok inen kite ame aŋamo kede doga me kop.

⁴Kur imia aketto cunya i timo gin arac, kwer ribere i jo areco i timo tim areco, dok kur abed wot i jo ame woto timo bal, kur imia aribere kedgi i camo cam amito ame gin omito.

⁵Mi ŋat a kite ber onyo goa i cuny me kica, cite kur iwek moo a lo arac gud wia kadi acel, pien an akwai gira kare ducu, atimo mannono, pien adag tim areco.

⁶Ka omiogi i ciŋ jo me ŋolo kop, gin bino cako ŋeyo ni kop a Rwot tye ateni.

⁷Cogogi obino keto atata i dog lyel, calo kidi ame ka dano obaro kikira atataa i lobo;

⁸Ento an gira aciko waŋa i komi, Ama Rwot Obaŋa, ayenyo ka larre baŋi, kur iweka ame mom igwoka.

⁹Gwoka me kur amok iyi owic ame gin ocika kede, gwoka daŋ kur amok i boo otim tim areco.

¹⁰Mi jo areco mok i boogi ame gin ociko, ento an abwot ame ginnoro mom otima.