Read lango Jabuli 144 Bible Online

Jabuli 144 - lango bible

Jabuli 144

¹Man wer ame Daudi owero. Rwot ame obedo ka larrena tek, dok opwo, Rwot ame opwonyo ciŋa i lweny, karacel kede anyira ciŋa luŋ.

²En obedo ka larrena atek ame ogeno, en obedo cel atek ame apono iye, dok en ame daŋ lara, en tye acalo kwot me gwoko koma, ame ariŋo alaro baŋe. Rok luŋ tye i te loccere

³Dano kara obedo gin aŋo ame mio ibedo tamo pire? dano amwa-ni obedo gin aŋo ame mio yin ibedo gwoke?

⁴Dano rom aroma i yamo me weo, kare me kwo mere daŋ calo tipo ame rweny oko-ni.

⁵Ama Rwot, wa polo i dwoggo piny, me iyito piny! gud kom kiddi me yito duny iye!

⁶Mi lutkot meny, me okworri keketa oko i ŋwec, celgi ateroni me komgi radde atata.

⁷Rye ciŋi i malo kuno, lara, ikwanya oko i pii atut, lara i ciŋ orok,

⁸ame kop me goba keken en ame ya i doggi, ame ciŋgi me tuŋ cem kwoŋo ka kwoŋ me goba keken.

⁹Abino wero wer anyen baŋi, Ama Obaŋa, abino paki, kun agoo naŋa ame tollere tye apar,

¹⁰Yin en imio loc baŋ obakki, dok yin en ame rik ilaro amironi Daudi.

¹¹Lara i lak pala lweny ame bit meicel, dok ilara i ciŋ okworra, ame kop me goba keken en ame ya i doggi, dok ame ciŋgi me tuŋ cem kwoŋo ka kwoŋ me goba.

¹²Mi itino awobewa bed calo ginapita ame doŋ otyeko doŋo oko, cakere i kare me tinogi, mi anyirawa bed calo pagi ame tye i gul me ot, ame otoŋo me gero paco abaka.

¹³Cam myero poŋ apoŋa i derewa, kun wit cam apapat tye iye; rommiwa myero nywal itino tutumia i tutumia, kede dok tutumia apar i bar me kwatwa.

¹⁴Dokwa daŋ myero nya apol meicel, yigi myero kur ony, moro i akinagi daŋ myero kur bed ame mom nywal, koko moro me can myero kur winyere i yo moro ame tye i bomawa.

¹⁵Jo ame kodi gummono bino poto i komgi, tye kede yomcuny! Jo ame Rwot obedo Obaŋagi, tye kede gum!