Read lango Jabuli 16 Bible Online

Jabuli 16 - lango bible

Jabuli 16

¹Wer a ame Daudi owero. Gwoka, Ama Obaŋa, pien an gira alaro baŋi, Akobo baŋ Rwot ni, “Yin gire ibedo rwota; an mom a ginnoro aboŋo yin.”

³Jo acil ame tye i lobo, gin obedo jo me awora, ame oyomoro cunya meicel.

⁴Jo ame yero kit obaŋa moro ocele cwercunygi medde ameda; an mom amito onyo remo acalo mot amata me yalogi, room daŋ abino tuco nyiŋgi kadi acel.

⁵Rwot en obedo dul ame opokka, yin imia ginnoro luŋ amito, kwona luŋ tye i ciŋi.

⁶Waŋ lobona opoto kan ame yomoro cunya; anwoŋo doŋ lobo aber ame opokka me bedo mega.

⁷Apwoo Rwot ame omia ryeko; cunya daŋ pwonya naka dyewor.

⁸Nino luŋ Rwot mom bino rwenyo i nyima, pien en kare luŋ tye i ŋeta tuŋcem, ginnoro mom bino cora teŋe.

⁹Mannono omio cunya yom, kun alelo meicel; koma daŋ bino bedo i kuc.

¹⁰Pien yin gire mom ibino ye ni adony piny i lobo a jo oto, dok mom ibino weko komjo ame geni tuno piny i bur.

¹¹Yin imia aŋeo yo me kwo; i nyimi tye twon lelo adwoŋ meicel, ŋeti tuŋcem tye iye yomcuny ame perakino waŋ i waŋ.