Read lango Jabuli 24 Bible Online

Jabuli 24 - lango bible

Jabuli 24

¹Man wer a Daudi. Lobo luŋ kede jami luŋ a tye iye obedo me a Rwot, wi podo luŋ kedejo luŋ ame bedo iye.

²En onwoŋo oketo lobo i dye nam, kun acakki tere tye i dye pii me nam atut.

³Ŋa ame romo yito malo i wi kidi a Rwot? dok ŋa ame romo cuŋ i kabedo mere acil?

⁴Dano ame kite atira dok ame yie cil, amom ketto cunye i gin a mom atira, dok mom kwoŋo kwonnoro me goba goba.

⁵Rwot bino miyo dano-nono gum, dok Obaŋa ame lare bino kwanyo kop i wie.

⁶Mannono en jo ame woro Obaŋa, gin jo ame bino i nyim Obaŋa a Yakobo,

⁷Wun dogcel luŋ, yabere wunu ba alac odoco, doggola luŋ acon daŋ myero yabere oko, me abaka won kwogo bin dony iye.

⁸Kara abaka me kwogo-nono en ŋa ba? En obedo Rwot atek ame loo twer ducu, Rwot ame loo ducu i lweny.

⁹Wun dogcel luŋ, yabere wunu ba alac odoco, doggola luŋ acon daŋ myero yabere oko, me abaka won kwogo bin dony iye.

¹⁰Kara abaka won kwogo-nono en ŋa ba? En Rwot me mony, en obedo abaka won kwogo.