Read lango Jabuli 29 Bible Online

Jabuli 29 - lango bible

Jabuli 29

¹Man wer a Daudi. Tit wunu pi Rwot, wunu, gin akwo luŋ i polo, rab wunu pi kwogo mere kede teko mere luŋ.

²Rab wunu pi kwogo me nyiŋe, wore wunu kun iruko wunu ruk acil.

³Dwon Rwot mor winyere naka i pii; Obaŋa me kwogo tye ka mwoc calo kot, dwone tye ka winyere naka i wi nam adoŋo,

⁴Dwon Rwot tye i teko meicel; kwogo dwoŋ i dwone nadi.

⁵Dwon Rwotturo anaka yen cedar, dwone turo yen cedar me Lebanon.

⁶En mio Lebanon takoro cala roya, Cirion takoro calo atin jobi.

⁷Dwon Rwot mio lutkot meny, calo mac a lyel.

⁸Dwon Rwot yeŋo anaka tim, dwone yeŋo tim me Kadec.

⁹Dwon Rwot mio atil nywal oko, dwone ruto yen i tim luŋ piny, jo luŋ i ot ame wore te wo ni, “Kwogo bed baŋ Obaŋa.”

¹⁰Rwot en ame looanaka pii luŋ ame tye i nam, en bedo i wi kom loc nakanaka acalo abaka,

¹¹Rwot myero mi jo mere teko, Rwot myero mi jo mere gum me bedo i kuc.