Read lango Jabuli 34 Bible Online

Jabuli 34 - lango bible

Jabuli 34

¹Man wer a Daudi i kare ame en onwoŋo odoko ababaŋ calo dano ame opoo i nyim Abimeriki, te miyo Abimeriki ryeme oko, en te wot gire oko. Abino pwoyo Rwot kare luŋ, wer me pake mom bino rwenyo i doga.

²Tipona wakere pi Rwot, jo a tye i can myero winy te lelo.

³Rab wunu pi dit a Rwot karacel keda, me opak wunu nyiŋe karacel.

⁴Akwao Rwot, en te gamo doga, en te kwanyo lworo luŋ ame onwoŋo atye kede.

⁵Nene wunu, me waŋwu ryeny, me lewic kur dok medde makowu,

⁶Jo ame tye i can kok baŋ Rwot, Rwot te larogi i peko luŋ ame otye kede.

⁷Omalaika a Rwot gwoko jo luŋ ame lworo Rwot, dok larogi i cannoro luŋ.

⁸Koŋ item, me inen ber a Rwot yin ikomi, jo ame laro baŋe tye i yomcuny.

⁹Myero iwor wunu Rwot, wun jo mere ame gene, pien jo ame wore, ginnoro mom remo.

¹⁰Kadi atin eŋatu buto kec, dok jami apol remo, cite jo ame geno Rwot, mom tye ginnoro aber ameremogi.

¹¹Biye wunu itinona, me iwiny wunu koppa, abino pwonyowu kite me woro Rwot,

¹²Ŋa i akinawu ame mito kwo? Imito perakino i lobo kun cunyi yore?

¹³Gwok lebi kur kob ginnoro arac, kede dogi kur ibwol jo.

¹⁴Ya oko i gin arac, ti gin aber, yeny kuc, ilub yore.

¹⁵Waŋ Rwot mom rwenyo i kom jo a kitegi atira, ciko yite me winyo kokogi.

¹⁶Rwot dag neno jo ame timo gin areco, mio nyiŋgi rwenyo oko i wi lobo.

¹⁷Ka ce jo a kitegi atira okok ni konygi, Rwot winyo kokogi, en te larogi oko i peko ame gin otye kede.

¹⁸Rwot ceggi acega i jo ame tyei cwercuny, en laro jo ame cunygi ton.

¹⁹Can ame poto i kom jo a kitegi atira pol atek, cite Rwot larogi iye luŋ.

²⁰Rwot gwoko anaka cogo i komgi luŋ, moro acel akinagi mom tur.

²¹Timo tim arac en a bino neko otim bal, dok jo ame dago jo a kitegi atira, kop bino loyogi.

²²Rwot lakoro kwo omiro mere, kop mom bino loyo jo ame laro baŋe.