Read lango Jabuli 36 Bible Online

Jabuli 36 - lango bible

Jabuli 36

¹Baŋ adwoŋ wer: Man wer a Daudi ame obedo amiro a Rwot. Tim me turo cik bedo i cuny dano arac, kan atut, lworo moro i kom Obaŋa mom tye i cunye kadi acel.

²En bwolle kene ni ballere mom obino neno, dok ni ballere mom oromo nwoŋo, dok daŋ mom oromo kwero,

³Kop ame ya i doge reco, dok me goba keken, en mom doŋ romo timo timmoro i ryeko dok aber,

⁴En paro pi timo gin arac, kadi i kare ame obuto i wi tanda mere, en lubo yo areco ducu.

⁵Ama Rwot, marri a mom lokere tuno naka i polo, dok kiteni atira, tuno naka i pol,

⁶Kiteni atira calo kiddi Obaŋa, ŋolo koppi atira calo nam atut, yin gire en ame ilaro dano kede lei, Ama Rwot.

⁷Marri a mom lokere ber nadi, Ama Rwot! Itino a dano laro tipo mebwomi.

⁸Gin obedo i yomcuny pi jami adwoŋ ame tye i odi, yin en imiogi gi-amata ame ya i kuloni me yomcuny.

⁹Pien waŋ pii me kwo tye baŋi, lero ni en ame mio wan daŋ oneno lero.

¹⁰Medde nyuto marri a mom lokere baŋ jo ame ŋei, kede larri baŋ jo a cunygi atira.

¹¹Kur iwek tyen jo ame wakere nyona, kur daŋ imi ciŋ jo areco ryema oko,

¹²Otim tim areco buto kuno aryeba cuny, ocobogi odiogi piny, mom dok otwero ya malo.