Read lango Jabuli 38 Bible Online

Jabuli 38 - lango bible

Jabuli 38

¹Man wer a Daudi ame owero kare me miyo mot me po. Ama Rwot, pe ijuka kede akemoni, kur daŋ ipwoda kede akemo.

²Pien ateroni ocoba meicel, teko me ciŋi odia oko piny.

³Mom tye dul koma moro ame tye aber pi akemoni, cogona daŋ tye ka rem arema pi balle.

⁴Pien balle dwoŋ okato kare, pekkere doŋ onua oko, calo yec a mom romo tiŋere,

⁵Waŋ bur i koma doŋ okwok aŋwe meicel, tuttere doŋ tye amollo amola pi miŋona,

⁶Aloye doŋ odoco, aryebere doŋ piny i lobo, dyeceŋ luŋ doŋ awoto ame akumo akuma.

⁷Pyera daŋ doŋ lyel alyela calo mac, koma doŋ mom yot kadi acel.

⁸Aloye doŋ odoco, koma doŋ onyoŋere meicel, acur doŋ acura pien cwercuny ocira oko,

⁹Ama Rwot, yin iŋeo gin ame amito ducu, curra doŋ mom obedo ginnoro ame yin ikwia,

¹⁰Itaona goye ni tutuk, kun tekona tye arwenyo arwenya, waŋa daŋ mom doŋ neno piny aber.

¹¹Owotena kede jo ame bedo i ŋeta, ocuŋ joŋ teŋe pi bur ame tye i koma, watina daŋ cuŋ kannabor meicel

¹²Jo ame yenyo kwona ociko owic pira, jo ame mito waŋa okobo kop me tyeko kwona, obedo poro kop arac i koma ceŋ iyul.

¹³Cite an gira abedo calo ŋat a yite odiŋ, mom awinyo kopgi, calo ŋat ame lebe oto, a mom ŋamo doge.

¹⁴Nen, an gira acalo ŋat a yite mom winyo kop, ame kopporo me juko dano mom donyo i doge.

¹⁵Cite an gira atye ka kuri, Ama Rwot, yin en ibino gamo kopgi, Ama Rwot,

¹⁶An ka akwao ni kono mom imiogi olelo i koma, kur imigi owakere i koma ka ce tyena ocer.

¹⁷Pien an nen calo aceggi poto, rem mom weka kare kadi acel.

¹⁸An aye ni abalo, cunya cwer pi bal ame abalo,

¹⁹Jo ame tye acalo okworra aboŋo ginnoro ame aballigi, gin otek okata oko, dok gin ame jo odaga nononononono opol meicel.

²⁰Jo ame cula i gin arac pi gin aber, gin okworra pien an alubo gin aber.

²¹Kur iweka ba, Ama Rwot, kur ibed abor keda, Ama Rwot.

²²Ru bino konya, yin giri en ilara, Ama Rwot.