Read lango Jabuli 4 Bible Online

Jabuli 4 - lango bible

Jabuli 4

¹Baŋ adwoŋ me wer: Man wer a Daudi ame ogoo i naŋa. Gam doga, Ama Obaŋa ka ce akok baŋi, pien yin gire en igwoka. I kare ame onwoŋo atye kede peko, yin en ibino me bino konya. Kica myero doŋ maki ba i koma, dok iwiny daŋ kwaca.

²Ama wun jo ni, cunywu bino bedo anwaŋ pi kare ame rom mene ba? Ibino bedo lubo wunu tam a konnyere mom kede kop me goba naka awene?

³Poyo wunu ni Rwot doŋ otyeko yero jo ame wore me bedo mege en ikome; dok en winyo kwacca ka ce akok baŋe.

⁴Kadi bed akemo omakowu, myero kur ipot wunu i bal; jal wunu karewu me paro kop man i cunywu, bed wunu kenwu mot dyewor i dog itandawu.

⁵Yal wunu Rwot i mot abeco odoco, dok myero igen wunu Rwot.

⁶Jo apol kobo ni, “Ŋa a bino miyowa oneno gin aber! Ama Rwot, tiŋ waŋi inenwa i waŋ me kica ba!”

⁷Nen yin doŋ imia atye i yomcuny adwoŋ meicel, ame kato me a jo ame tye icam kede koŋo abup.

⁸An abuto piny i kuc ate nino daŋ oko, pien yin gire, Ama Rwot, en imia abedo aboŋo ginnoro ame alworo.