Read lango Jabuli 42 Bible Online

Jabuli 42 - lango bible

Jabuli 42

¹Baŋ adwoŋ wer: Man wer ikwae a Kora. Kite acalo atil yenyo kede kulo ame piiamol iye, an daŋ amannono ayenyi cunya, Ama Obaŋa.

²Mit me neno Obaŋa ocira oko, amito neno Obaŋa akwo. Kara abino bino i nyimi awene ba, ate neno waŋi, Ama Obaŋa?

³Pig waŋa doŋ tye acalo cemma, dyeceŋ kede dyewor benebene, kun jo tye ka penya teretere ni, “Obaŋani-nono kara tye kwene?”

⁴Ka apoyo jami magi, cunya cwer atek meicel, ka apoyo kite a yam awoto karacel i lwak kun atelo wigi, ame ociro karacel naka i ot Obaŋa, kun lwak redo i yomcuny dok owero wer me pako Obaŋa, i kare me kwero ecuban adoŋo.

⁵Piŋo kara itye ka kumo akuma, yin tipona, piŋo kara itye ka cur i koma? Gen Obaŋa, pien pwod dok abino medde pake, en akonya dok en Obaŋana.

⁶Tipona doŋ tye ka kumo akuma, omio apo piri, cakere i lobo me Jordan kede me Kermon, cakere i wi kidi me Mijar.

⁷Nam atut lwoŋo nam atut wadgi, i mor pii acucurri, bi-amwonyi ni luŋ ame tagere ataga, omwonya gira doŋ oko.

⁸Dyeceŋ Rwot ciko marrere a mom lokere ryeny i koma, dyewor werrere mom rwenyo i cunya, kun akwao Obaŋa ame mia akwo,

⁹Akobo baŋ Obaŋa ame en ka larrena atek ni, “Piŋo kara wii owil oko i koma? Piŋo an atye ka wot ame akumo akuma, pien okworra tye ka wuna meicel?”

¹⁰Nen calo doŋ a tye i twon burroro arac i koma, okworra bedo doŋ yeta ayeta, kun openya teretere ni, “Obaŋani-nono kara tye kwene?”

¹¹Piŋo kara itye ka kumo, yin tipona, piŋo kara itye ka cur i koma? Gen Obaŋa, pien pwod dok abino medde pake, en akonya dok en Obaŋana.