Read lango Jabuli 46 Bible Online

Jabuli 46 - lango bible

Jabuli 46

¹Baŋ adwoŋ wer. Man en wer ikwae a Kora. Obaŋa en obedo ka larewa kede tekowa, kare luŋ tye ame oyikere me konyowa ka otye i peko,

²Mannono omio mom obino bedo kede lworo moro kadi acel, kadi bed alokaloka bed tye i lobo, kadi bed kiddi yeŋere i cuny nam,

³kadi pii i nam mor ame atagere ataga, kadi bed kiddi yeŋere pi pii ame oyenyo malo amala,

⁴Tye kulo moro ame pii amol iye yomoro cuny jo i boma Obaŋa, kabedo acil ame ŋat Amalo Meicel bedo iye.

⁵Obaŋa gire bedo iye kuno, omio mom romo rette kadi acel, Obaŋa bino ru konyo oko kun kare mom ru oromo.

⁶Rok luŋ komgi bino onyo koyo, loc apapat bino yeŋere; Obaŋa mio dwone winyere, lobo te meye oko.

⁷Rwot me mony tye kedwa; Obaŋa a Yakobo en ame obedo ka larrewa.

⁸Biye inen gin ame Rwot otio, kite ame en omio lobo odoko kede wi obur.

⁹En omio lweny ogik oko i wi lobo luŋ, oturo akud atero kede toŋŋi oko, owaŋo luŋ i mac.

¹⁰Bed wunu mot, dok iŋe wunu ni an abedo Obaŋa, an en aloo rok ducu, an en aloo wi podo luŋ.

¹¹Rwot me mony tye kedwa; Obaŋa a Yakobo en obedo ka larrewa.