Read lango Jabuli 5 Bible Online

Jabuli 5 - lango bible

Jabuli 5

¹Baŋ adwoŋ me wer: Man wer a Daudi ame okuto akuta kede nyamulere. Cik yiti iwiny koppa, Ama Rwot, winy daŋ curra.

²Ter yiti winy kokona, abakana kede Obaŋana, pien an atye ka kwayi.

³Yin gire en iwinyo dwona odiko, Ama Rwot; Odiko ayiko mot me yali, ate bedo kuro.

⁴Yin Obaŋa ame cunyi mom tim arac; mom iye nywako kabedo gin arac,

⁵Jo awakere mom romo cuŋ i nyimi; idago jo luŋ ame timo tim arac.

⁶Yin ijwero jo ame kobo kop goba oko; Rwot dago oony remo a jo kede obwol joo

⁷An gire abino donyo i odi, pi marri adwoŋ ame mom lokere, abino wori i odi acil, kun aryebere piny i nyimi i twon lworo adwoŋ.

⁸Tim ber itela, Ama Rwot, me atim gin a tye atira i nyimi, mi yo ame imito alub ocuŋ atira i nyima, pien okworra tye pol.

⁹Pien kop ame okworra kobo ateni mom iye, cunygi opoŋ ka itam me neko jo, dwongi obedo lyel a wie olaŋara, lebgi gin bwolo kede jo.

¹⁰Dwok balgi i wigi, migi can pire, Ama Rwot, tur yikgi-nono oko; ryemgi oko i nyimi, pien balgi dwoŋ meicel, pien gin ojem i komi.

¹¹Cite mi jo ame riŋo laro baŋi bed kede lelo, migi ower wer me yomcuny nakanaka; dok yin myero igwokgi, me jo ame mari bed i twon yomcuny adwoŋ i komi.

¹²Pien imio gum baŋ jo ame kitegi atira, Ama Rwot, kicani wumo kome oko calo kwot.