Read lango Jabuli 50 Bible Online

Jabuli 50 - lango bible

Jabuli 50

¹Man wer ame Acap owero. Ŋat ame Won Twer Ducu ame en Rwot Obaŋa, okobo kop, en lwoŋo jo me wi lobo ducu, cakere i tuŋ kide tuno kede tuŋ to,

²En tye ka ryeny acil meicel, kwogo mere tye ka ryeny i Cion,

³Obaŋawa tye ka bino, en mom bino liŋ, twon mac ager meicel tye ka telo nyime, yamo akodo agwa tye ogure oko dyere.

⁴En lwoŋo polo ame tye malo, dok lwoŋo lobo daŋ, me ecak ŋolo kop i kom jo mere.

⁵En kobo ni, “Cok wunu jona ame ogen, ikelgi wunu baŋa, jo ame ocikere keda i mot aŋola.”

⁶Polo rabo kannaler ni Obaŋa kite atira, pien Obaŋa ikome en aŋolkop.

⁷“Winy wunu, wun jona, me ate kop, wun jo Icrael, abino kobo kop me caden i komwu, an Obaŋa ame abedo Obaŋawu.

⁸Pe ajukowu pi motwu ame iyala wunu kede, mot awaŋa ame iyala wunu kede tye me kare ducu i nyima.

⁹Mom abino gamo twonnoro ame i kelo wunu i pacowu, kadi nyok dyel ame ikelo wunu iyi anokwu.

¹⁰Pien leyi luŋ i tim obedo mega, naka lwak dok ame tye i wi kiddi luŋ.

¹¹Aŋeo winy luŋ ame twarre malo, naka gin akwo luŋ ame bedo piny i lobo, gin luŋ obedo mega.

¹²“Ka ce onwoŋo kec neka, onwoŋo mom aromo kobbiwu, pien lobo kede jami luŋ ame tye iye mega,

¹³An acamo riŋo twoni bo, onyo ca amato remo dyegi?

¹⁴Mi wunu baŋ Obaŋa mot me pwoye, dok icob wunu kwon ame ikwoŋo wunu baŋ Ŋat Amalo Meicel;

¹⁵dok ikok wunu baŋa i kare ame itye wunu i peko, an abino larowu, eka ite keto wunu kwogo i koma.”

¹⁶Cite baŋ atim tim arac Obaŋa kobbe ni, “Twer aŋo ame itye kede me mako cikka i wi, onyo me bedo kobo kop i kom cikarena?

¹⁷Pien yin mom imito ni juki, mom iparo pi kop ame akobo.

¹⁸Ka ce ineno akwo, imako dyere kede, imako dyere i jo ame maro timo abor.

¹⁹“Kare luŋ iyabo dogi me kobo gin arac, dok iŋeo yiko kop me goba.

²⁰Imaro bedo kobo kop arac i kom ominni, ibedo kwoto ominni ame onywalli kede acel.

²¹Ibedo timo jami magi kun an aliŋ aliŋa, yin onwoŋo ibedo tamo ni an daŋ arom kedi. Cite aman doŋ ajuki, kun anyutti balli luŋ.

²²“Po wunu i man, wun jo ame wiwu wil oko i kom Obaŋa, naka mio an atyekowu oko, ŋat ame larowu te doŋ bedo pe.

²³Ŋat ame kelo pwoc baŋa acalo mottere, dano-nono nwoŋo oworo meicel, ŋat ame kite atira dok lubo cikka, abino nyuto lar mera baŋe.”