Read lango Jabuli 52 Bible Online

Jabuli 52 - lango bible

Jabuli 52

¹Baŋ adwoŋ wer: Man wer ame Daudi owero i kare ame Doeg, ame obedo dano me Edom obino baŋ Caulo te kobbe ni, “Daudi doŋ obino, tye i ot Akimeleki.” Yin twon lo atek meicel i lweny, piŋo kara iwakere pi gin arac ame itimo i kom jo ame ŋeo Obaŋa? Yin ibedo poro kop me neko ka jo ceŋ iyul.

²Lebi bit calo lyedi, ticci obedo me kobo kop erupe.

³Imaro gin arac ame kato gin aber, kede kobo goba ame kato kobo kop ateni.

⁴Imaro kobo kop ame kelo can, yin lel ame maro kobo goba.

⁵Ento Obaŋa bino rwobi oko atwal, en bino maki te wayi oko i kemani, bino puto lwiti oko i lobo a jo akwo.

⁶Jo akitegi atira bino neno, lworo te makogioko, obino nyere kun okobo ni,

⁷“Neno dano a mom mito miyo Obaŋa bedo ka-lare mere, ento lunyo geŋo lim ame bup i ciŋe, kun geŋo ni limmere en ame bino larre.”

⁸Ento an acalo yat jeituni ame doŋo i ot Obaŋa, ageno gira mar Obaŋa a mom lokere kare luŋ me kwona.

⁹Abino pwoyi nakanaka, Ama Obaŋa, pien man obedo ticci. Abino rabo nyiŋi pien ber, i nyim jo ame ŋeo Obaŋa.