Read lango Jabuli 53 Bible Online

Jabuli 53 - lango bible

Jabuli 53

¹Baŋ adwoŋ wer. Man obedo wer a Daudi. Amiŋo bedo tamo i cunye ni, “Obaŋa gire mom.” Gin luŋ oballe oko, gin luŋ otimo tim me kwer, ŋat atimo gin aber pe,

²Obaŋa neno jo luŋ ame tye piny i te polo, kun neno ka ce tye ŋattoro ame timo ginnoro luŋ i ryeko, kun timo gin Obaŋa mito.

³Gin luŋ doŋ ogak oko teŋe, gin luŋ oballe oko, ŋat atimo gin aber pe, moro acelloro doŋ mom.

⁴Gin otim tim areco-nono, ce mom otye kede ŋeccoro, gin jo ame camo dano calo ogati-nono, kun daŋ mom olwoŋo nyiŋ obaŋa?

⁵Gin bino bedo i twon lworo adwoŋ meicel kuno, twon lworo ame yam mom ru gin obedo kede. Pien Obaŋa bino keto cogo kom jo a mom ŋeo Obaŋa, obino miyo lewic makogi pien Obaŋa doŋ otyeko kwerogi,

⁶Kono onwoŋo larre a jo Icrael oya i Cion, do ber! Ka Obaŋa bino dwoko gum baŋ jo mere, jo a Yakobo bino lelo, jo Icrael bino bedo i yomcuny.