Read lango Jabuli 56 Bible Online

Jabuli 56 - lango bible

Jabuli 56

¹Baŋ adwoŋ wer. Obedo wer a Daudi ame en owero i kare a jo Piriciti omake i Gat. Kica myero maki i koma, Ama Obaŋa, pien jo tye onyona oko piny; dyeceŋ luŋ amonena bedo wunna awuna.

²Okworra daŋ bedo nyona piny ceŋ iyul, pien jo apol lwenyo keda ame owakere awaka.

³Ka ce lworo omaka, an gira ageni, Ama Obaŋa.

⁴An ageno Obaŋa kun mom atye kede lworo moro kadi acel. Gin aŋo ame dano ata-ni twero timo i koma?

⁵Obedo riye i nyima ceŋ iyul, kun otamo tam me timo gin areco keken i koma,

⁶Ogurre karacel me liba, obedo neno ginnoro luŋ ame an atye ka timo. Kite acalo otye ka kuro kede kwena,

⁷doŋ pi mannono myero iculgi pi balgi; Ret jo man piny oko akemoni, Ama Obaŋa.

⁸Yin ibedo kwano ayelayela luŋ ame opoto i koma, kan pig waŋa doŋ oko iyi opoko Mom doŋ tye ocoo kop oko i kome i buk?

⁹Mannono bino miyo okworra lokere dok cen, i nino ame abino cwalo iye koko na baŋi. Man an aŋeo gira ni Obaŋa tye pira,

¹⁰Ageno Obaŋa ame gin a en ociko yomoro cunya, apako Rwot ame gin a en ociko yomoro cunya;

¹¹ageno Obaŋa kun mom alworo ginnoro kadi acel. Gin aŋo kara ame dano twero timo i koma?

¹²Myero anen ni acobo kwonna ame akwoŋo baŋi, Ama Obaŋa; abino yali i mot me pwoc,

¹³Pien yin ityeko laro kwona i to, nen, ibedo gwoka omio mom acer arette piny. Omio abedo wot i nyim Obaŋa i waŋ ceŋ ame menyo ginnoro luŋ akwo.