Read lango Jabuli 57 Bible Online

Jabuli 57 - lango bible

Jabuli 57

¹Baŋ adwoŋ wer. En wer a Daudi, ame en owero i kare ame oriŋo oko I baŋ Caulo te wot pono i gorogoro kiddi. Kica myero maki i koma Ama Rwot, kica myero maki i koma pien ti pona larre baŋi, abino laro tipo me bwomi, tuno ka yamo kot ajuru ame neko jo okato.

²Akok baŋ Obaŋa Amalo Meicel, baŋ Obaŋa ame cobo mittere luŋ pira,

³En bino cwayo kony i polo me lara bino miyo lewic mako jo ame tye ka nyonyono an. Obaŋa bino cwayo marrere a mom lokere, en bino cwayo kite atira.

⁴Atye ka buto i akina eŋatu; ame owor meicel imwodo dano: lakgi bit calo leb toŋ kede atero; lebgi bit calo pala romo.

⁵Nyut ditti malo i polo, Ama Obaŋa, Mi kwogoni nen kannaler i lobo luŋ,

⁶Ociko boo me mako tyena, ento ti pona obwot abwota. Okunyo bur-gu pira me arette iye cite gin dok olunyo rette iye kengi.

⁷Cunya gire omoko oko i komi a mom dok lokere, Ama Obaŋa, cunya omoko oko i komi, abino wero wer me paki i dwon aloŋo,

⁸Co oko, yin tipona, naŋana kede naŋa opuk, daŋ myero yikere oko. An abino ero wer ibai.

⁹Abino wero wer me paki, Ama Rwot, i akina rok apapat; abino wero wer me paki i akina orok.

¹⁰Pien marri a mom lokere pire tek meicel naka baŋ jo ame tye i wi polo.

¹¹Nyut ditti malo i polo, Ama Obaŋa, Mi kwogoni nen kannaler i lobo luŋ.