Read lango Jabuli 58 Bible Online

Jabuli 58 - lango bible

Jabuli 58

¹Baŋ adwoŋ wer. Wer a Daudi. Wun oloc atek itye wunu ka ŋolo kop kakare ateni? Itye ka ŋolli wunu jo luŋ kop atira?

²Pe gire, itye ka paro wunu kop arac i cunywu; dok itye ka timo wunu bal i lobo i tic ame itio wunu,

³Jo areco bedo rwenyo te lubo yo arac pi kare me kwogi luŋ ocako timo bal ame pwod onywalogi anywala kun okobo kop me goba.

⁴Kwirgi rom aroma kede me a twol yitgi odiŋ calo yit owuo,

⁵me kur owiny dwon emuroko onyo dwon jo atimo tim me jojok aryekkege.

⁶Ama Obaŋa, tur lakgi oko iyi doggi, dok myero iput lak itino eŋato ager oko, Ama Rwot.

⁷Migi orweny calo pii ame mol oko, nyongi calo lum ote two oko.

⁸Migi obed calo okoro koro ame woto kun lao mere doŋ i yo ŋee, calo atin ame obwogo abwoga ame mom oneno waŋ ceŋ.

⁹Myero tongi oko piny calo buŋ kun gin mom ru oŋeo, Obaŋa myero mi yamo kolgi tergi oko i twon akemo adwoŋ kun pwod okwo.

¹⁰Jo a kitegi atira bino bedo i yomcuny ka oneno culo kwor man, gin bino lwoko tyengi i remo a jo areco,

¹¹Jo bino kobo ni, “Ateni ba jo a kitegi atira kara nwoŋo mot me pwoyogi; Obaŋa ame ŋolo kop i lobo kara tye ba.”