Read lango Jabuli 64 Bible Online

Jabuli 64 - lango bible

Jabuli 64

¹Baŋ adwoŋ wer. Man wer ame Daudi owero. Cik yiti iwiny dwona, Ama Rwot, iwinyo kokona ame akelo baŋi; lara i ciŋ okwor ame mia lworo.

²Gwoka i ciŋ jo areco ame tye ka yikere i muŋ pira, kede i ciŋ lwak man ame kitegi reco,

³ame pako lebgi calo pala me romo, ame kop ame ya i doggi bit calo atero.

⁴Opono oko me celo jo a mom i balloro, ote ru celo oyotoyot aboŋo lworo moro kadi acel.

⁵Kare ducu gin oyikere ka me cobo yikgi areco, okobo kop kun oporo ka kop me dwalojo, ame otamo ni mom tye ŋattoro ame anenogi.

⁶Dok otamo ni mom tye ŋattoro ame twero yenyo bal i komgi te nwoŋo. Gin otamo ni gin oryeko meicel ame ŋattoro mom romo ŋeyo imuŋgi, pien imuŋ ame tye i cunygi obedo imuŋ ame opono kan atut meicel.

⁷Ento Obaŋa bino celogi kede atero mere, awano bino poto i komgi atura.

⁸Kop ame ya i doggi bino miyo ityekogi oko, jo luŋ ame nenogi, yeŋo wigi ayeŋa.

⁹Mannono bino miyo jo luŋ lworogi, gin te bedo rabo pi gin ame Obaŋa otio baŋ jo mere; ote bedo lwodo koppono i cunygi pi gin ame Obaŋa otimo-nono.

¹⁰Jo ame kitegi atira myero lel pi Rwot, dok myero oriŋ olar baŋe, Jo ame cunygi ler myero lel kun opwoo Obaŋa meicel.