Read lango Jabuli 65 Bible Online

Jabuli 65 - lango bible

Jabuli 65

¹Baŋ adwoŋ wer: Man wer ame Daudi owero. Myero gire paki i Cion, Ama Obaŋa, dok ginnoro luŋ ame okwoŋo pire myero mi baŋi.

²Yin gire en ame igamo kwac a jo luŋ, jo luŋ myero bin baŋi.

³Kadi bed bal diowa meicel, yin gire en ame ijwao oko ducu,

⁴Dano ame yin iyero ite kelo cok kedi, tye kede winyo me bedo i dyekalli acil. Gin abeco ame tye i odi, bino romowa, ame obedo kabedoni acil.

⁵Yin igamo kwacwa, ite larowa, kun itimo gin ame mio jo lworo meicel. Ama Obaŋa ame obedo Alarwa.

⁶Jo luŋ ame tye i wi podo geni, akadi jo ame tye kagi mogo aboco meicel, tekoni en ame omio kiddi ocuŋ kan ame gin otye iye, dok tekoni daŋ en ame tye ka gwokogi.

⁷Yin imio nam omor ager meicel liŋ oko, nam doŋ te kwe mot, jo ame onwoŋo awo te liŋ oko.

⁸Jo luŋ ame tye kannaboco meicel, gin luŋ ogoo ijira kun cunygi yom meicel, gin luŋ olworo neno ticci me awura, cakere i tuŋ to naka tuŋ kide.

⁹Yin ilimo lobo ite miyo kot cwe iye, cam abup meicel te cek i lobo. Pii dwoŋ meicel i kulo Obaŋa, dok yin Obaŋa en ame imio cam cek, pien mannono obedo gin ame yin en ame iyiko.

¹⁰Yin imio yo ame okunyo iye bidde ayom meicel, imio kot cwe iye adwoŋ meicel, eka ginapita luŋ ame tye iye, te doŋo daŋ a ber.

¹¹Mwaka i mwaka, yin en imio gum baŋ jo luŋ, pi cam ame imio cekkigi, yo ame gadigadini lubo, moo dwoŋ iye meicel.

¹²Imio dok dwoŋ meicel i bar me kwayogi, anaka jo ame bedo i ŋet kiddi daŋ lelo.

¹³Dok rommi daŋ dwon meicel i bar ame okwaogi iye, dok kal daŋ oyido ibim i luŋ, gin luŋ olelo kun owero wer me yomcuny karacel.