Read lango Jabuli 75 Bible Online

Jabuli 75 - lango bible

Jabuli 75

¹Baŋ adwoŋ wer: Man wer Acap owero. Wan opwoi, Ama Obaŋa, wan giwa opwoi, wan odworo nyiŋi, kun orabo ticci me awura.

²Abino ŋolo kop atirai i lobo, i kare ame doŋ atyeko moko.

³Kadi bedo lobo bino yeŋere karacel i jo luŋ ame bedo iye, an abino miyo cuŋ atek ikiŋ kakare.

⁴Abino kobbi jo awakere ni myero owek wakere bedi, dok abino kobbi jo areco ni owek yeyea nononono.

⁵Abino kobbigi ni owek yeyea atek ateka nononono, dok daŋ owek kobo kop me anywar anywar.

⁶Pien ŋolo kop mom bino ya i tuŋ kide onyo i tuŋ to, dok daŋ mom bino ya i tutuŋ anyarolum, mom daŋ bino ya i tutuŋ anyarodi;

⁷Obaŋa gire en ame ŋolo kop a jo luŋ en kene, dwoko jo okene piny, tiŋo jo okene atiŋa malo,

⁸Pien ikopo ame koŋo olok opoŋ apoŋa iye tye i ciŋ Rwot, koŋo ame onyobo aber, tye ka yenyo ayenya iye; en bino miyo jo areco luŋ ame tye i loba mato, obino mato tuno ka otyeko oko ducu.

⁹Cite an gira abino lelo alela nakanaka, abino wero wer me pako Obaŋa a Yakobo.

¹⁰Twer a jo areco ame yeyea no nonono, en bino giko oko, cite bino dwoko twer a jo a kitegi atira.