Read lango Jabuli 79 Bible Online

Jabuli 79 - lango bible

Jabuli 79

¹Man wer Acap owero. Ama Obaŋa, orok obino omao lobo a lwakki oko, obalo odi acil daŋ oko; omio Jerucalem doŋ odoŋ calo wi obur.

²Omio kom omironi ame oto baŋ winyo ame twarre malo me acamagi, omio daŋ kom joni acil baŋ leyi ame bedo i lobo me acamagi.

³Oonyo remogi piny calo pii i Jerucalem, ŋattoro ame odoŋ me yikogi mom tye.

⁴Wan doŋ odoko gi-anyera orok ame bedo i ŋetwa, jo ame oguraowa tuŋŋi i tuŋŋi oŋalowa dok daŋ ojwiowa ajwia.

⁵Ama Rwot, kara akemo bino bedo maki amannono naka awene ba? nyekoni bino miyo akemoni bino maki amannono nakanaka.

⁶Wuk akemoni-nono i kom jo ame mom ŋei, kede i kom oloccogo ame mom wori.

⁷Pien gin otyeko itino a Yakobo oko, omio lobowa odoko wi obur.

⁸Kur ipoyo bal a kwariwa ite culo kworrere i komwa, mi kica ru maki oko i komwa, pien idiowa doŋ meicel.

⁹Ama Obaŋa, konywa, yin ame ibedo ŋat ame larowa, pi kwogo me nyiŋi, larwa ba, gonywa i kom balwa piri.

¹⁰Piŋo kara imio orok kobo ni, “Obaŋani-nono kara tye kwene.” Cul kwor i kom orok kun wan oneno kede waŋwa, pi remo omironi ame gin oonyo.

¹¹Ye gamo koko a jo ame tye i buc, gwok jo ame doŋ oŋolo kop me to i wigi, pi twer adwoŋ ame doŋ itye kede,

¹²Ama Obaŋa, cul kworwa tyen abiro twal, i kom jo ame bedo i ŋetwa, yetgi kede ayettoro luŋ ame yam gin ocai kede, Ama Rwot.

¹³Mannono bino miyo wan ame obedo joni kede rommini ame ikwao, obino pwoyi waŋ i waŋ, kun owero wer me psa ko nyiŋi.