Read lango Jabuli 81 Bible Online

Jabuli 81 - lango bible

Jabuli 81

¹Baŋ adwoŋ wer: Man obedo wer Acap owero. Wer wunu baŋ Obaŋawa, ame obedo tekowa, i dwon aloŋo, red wunu i yomcuny baŋ Obaŋa a Yakobo.

²Wer wunu wer kun daŋ ibapo wunu atimo, goo wunu daŋ opuk amit meicel karacel kede naŋa opuk.

³Kut wunu apel i kare ame dwe pwod opor apora, kut wunu daŋ ka dwe doŋ omwonyo ogwal, kede i kare me kwero icubannogo adoŋo.

⁴Pien mannono en obedo cik a jo Icrael, gin ame Obaŋa a Yakobo rik ociko.

⁵En rik oketo odoko cik iyi atekere a Yucepu, i kare ame en owoto me wot lweny i kom jo Miciri. Awinyo dwonnoro ame yam mom aŋeo, kun kobo ni,

⁶“An rik atiŋo yec apek oko i wi gwoki, akwanyo dita me tic oko i ciŋi.

⁷Ikok baŋa i kare ame itye i can, an ate lari, agamo koppi i mor a piny kun an akanne oko i kabedo moro me imuŋ, atemi daŋ i dog pii me Meriba.

⁸Winy wunu ba, wun jona, ka atye kajukowu, wun jo Icrael, kono onwoŋo itwero winyo wunu koppa.

⁹Obaŋa moro a mom ŋeye mom bino nwoŋere i akinawu, mom ibino ryebere wunu piny me woro obaŋa orok,

¹⁰An abedo Rwot Obaŋawu, ame rik akwanyowu i lobo me Miciri. Ŋam wunu dogwu alac, me an apitwu.

¹¹“Cite jona rik mom te winyo koppa, jo Icrael onwoŋo mom doŋ paro kadi acel.

¹²Amio cunygi odoko anwaŋ te doko jo ame opala, jo ame timo gin ame cunygi omito.

¹³Kono jona onwoŋo rik winyo koppa, kono jo Icrael onwoŋo timo gin ame amito.

¹⁴Onwoŋo kono aloo okworgi oyotoyot, kono aryeo ciŋa awiro i kom okworgi ducu.

¹⁵Jo ame daga kono omwolle kengi i nyima, dok can ame opoto i komgi kono obedo atwal.

¹⁶Onwoŋo kono apitowu kede ŋano aber meicel, dok kono amiowu icamo wunu moo kic iyeŋ wunu.”