Read lango Jabuli 84 Bible Online

Jabuli 84 - lango bible

Jabuli 84

¹Baŋ adwoŋ wer: Man obedo wer ame ikwae a Kora owero. Odi ber nadi, Ama Rwot Obaŋa me mony.

²Mita me bedo kuno, oola doŋ oko, mita me bedo i dyekal a Rwot. Cunya kede koma luŋ wero wer me pako Obaŋa i yomcuny, wero wer baŋ Obaŋa ame kwo.

³Kadi aculegwec daŋ nwoŋo paco me bedo mere, alibi daŋ tye i ode ame en buto iye, tye kede kan ame myero ebol iye toŋe, Ceggi acega kom i keno lammi, Ama Rwot me mony, abakana dok Obaŋana.

⁴Jo ame bedo i odi tye kede winyo, kun obedo ka wero wer me paki kare ducu,

⁵Jo ame tekogi ocuŋ i kom tekoni, tye kede winyo, ame cunygi mito wot anyim naka i Cion.

⁶I kare ame gin obeo i luŋ me Baca ame otwo atwoa-ni, gin omio doko kan ame pii nwoŋere iye; kot ame geo cwe acwea mio pii poŋ iye meicel kabedo ducu.

⁷Tekogi medde ameda kare luŋ ame gin tye awot, Obaŋa ame loo obaŋe ocele ducu bino nen i Cion.

⁸Ama Rwot Obaŋa me mony, winy kwaccca, cik yiti iwinya, Ama Obaŋa a Yakobo.

⁹Yin en ibedo kwotwa, Ama Obaŋa, nen wan abakani ame yin ityeko yero.

¹⁰Bedo i dyekalli kadi nino acel keken ber, kato bedo nino tutumia i kabedo ocele. Tika abedo akur doggola i ot Obaŋana, akaka bedo i kema a jo ame timo tim areco.

¹¹Pien Rwot Obaŋa obedo cen kede kwot, en onyo kica mere i komwa, dok miowa obedo kede kwogo. En mom twero twono jo ame timo ginnoro luŋ i cuny aler, ginnoro luŋ aber.

¹²Ama Rwot me mony, jo ame geni tye kede winyo.