Read lango Jabuli 87 Bible Online

Jabuli 87 - lango bible

Jabuli 87

¹Man wer ame ikwae a Kora owero. Boma ame Rwot Obaŋa ogero tye ocuŋ iguŋ malo i wi kidi acil.

²Rwot maro dogcel luŋ me boma me Cion, ame kato kabedo ocele luŋ ame jo a Yakobo bedo iye.

³Yin boma Obaŋa we, gigi mogo me kwogo meicel jo kobo i komi.

⁴I akina jo ame ŋea, abino tuco nyiŋ Rakab kede Babulon; dok abino kobo kop i kom Piriciti, Turo kede Acuria. Gin okobo ni, “ŋadi onywalo kuno,”

⁵Aco kop i kom Cion gin kobo ni, “Dano man kede maca onywalo iye”; pien ŋat Amalo Meicel en ame bino miyo Cion cuŋ ikiŋ.

⁶Pien Rwot bino coyo nyiŋ rok luŋ i bukkere, kun coo i yore i yore ni, “Man onywalo kuno, man daŋ onywalo kuno,”

⁷Ower wer kede jo ame myelo daŋ kobo ni, “Akoŋ me piina luŋ daŋ tye baŋi.”