Read lango Jabuli 91 Bible Online

Jabuli 91 - lango bible

Jabuli 91

¹Ŋat ame gwokere baŋ Ŋat Amalo Meicel, bedo i te tipo a Won Twer Ducu.

²Abino kobbi Rwot ni, “Yin i kalarrena kede cella, yin Obaŋana ame ageno.”

³Pien en bino lari iyi owic ame ociko, kede i two areco meicel.

⁴En bino wumo komi oko kede bwome, eka ite larre i te yer me bwome, en obedo kwotti kede gi-geŋo kori, pien en genne.

⁵Mom ibino lworo ginnoro dyewor, akadi atero ame obao dyeceŋ,

⁶akadi too edeke ame mako jo dyewor, onyo can ame tyeko jo dyeceŋ.

⁷Jo tutumia twero rette i ŋeti, kede jo tutumia apar i ciŋi tuŋcem, cite mom bino timo ginnoro i komi.

⁸Yin giri ibino neno anena, kun ineno kite ame oculo kede kwor i kom jo areco.

⁹Pien yin imio Rwot obedo kalarreni, ŋat Amalo Meicel en obedo kabedoni.

¹⁰Ginnoro arac mom bino timere i komi, kit cannoro ducu mom daŋ bino noko ŋet kemani.

¹¹Pien en bino ciko omalaika mere, me gwoki i kabedo luŋ ame iwoto iye.

¹²Gin bino gwoki, me gweŋ kur twom tyeni.

¹³Ibino nyono eŋatu onyo ororo kede tyeni, itino eŋatu onyo twol codocodo.

¹⁴Pien en doŋ omara odoco, abino lare; abino gwoke pien en doŋ oŋea.

¹⁵Ka en olwoŋa abino gamo doge, abino bedo kede i kare me can, abino lare dok daŋ abino keto kwogo i kome.

¹⁶Abino medo mwakki me kwo mere bedo apol me kweyo cunye, ate nyutte larrena.