Read lango Jabuli 97 Bible Online

Jabuli 97 - lango bible

Jabuli 97

¹Rwot gire tye aloc, jo me wi loba myero lel; lel wunu, wun dog nam luŋ,

²Pol kede kan acol icuc ogure dyere, loccere ocuŋ kite atira kede ŋolo kop kakare.

³Mac en a telo nyime, wano okworrere ame ogure dyere oko,

⁴Lutkottere menyo wi podo luŋ; lobo ka oneno, yeŋere.

⁵Kiddi te meye oko calo odok nyim Rwot, i nyim Rwot me lobo ducu.

⁶Polo tye ka rabo kite atira Obaŋa; jo luŋ tye ka neno kwogo mere.

⁷Lewic tye ka mako jo ame woro cal apaa, jo ame wakere pi cal jogi ame konygi mom, kite obaŋe ocele luŋ ryebere piny i nyime me wore.

⁸Jo me Cion owinyo te cako lelo oko, anyira me Juda te bedo i yomcuny, pi ŋolo koppi, Ama Rwot!

⁹Rwot Won Twer Ducu, yin gire iloo lobo ducu, yin idwoŋ atek ikato kit obaŋe ocele luŋ.

¹⁰Obaŋa maro jo ame dago gin arac, en gwoko kwo a jo mere, en larogi i ciŋ jo areco.

¹¹En menyo piny i jo a kitegi atira, miyo jo ame cunygi ler bedo yomcuny.

¹²Lel wunu i Rwot, wun jo a kitewu atira, myero ipwo wunu nyiŋe acil.