Read lango Carokop 9 Bible Online

Carokop 9 - lango bible

Carokop 9

¹Ryeko doŋ ogero gire ode oko, en otyeko keto iye pagi a romo abiro.

²Riŋo me arama mere daŋ doŋ oyaŋo oko, koŋo olok daŋ doŋ onyobo oko, jami luŋ doŋ tye oketo oko i wi meja.

³En ocwao doŋ aŋeca mege me wot lwoŋo jo, i kabedo mogo ame otiŋere malo i boma.

⁴“Biye wunu kan, wun jo a mom ŋeo ginnoro!” Aco baŋ jo ame wigi mom tio en kobo ni,

⁵“Biye icam wunu kwon baŋa, imat wunu koŋo olok ame anyobo-ni,

⁶Wek wunu miŋo bedi, me ibed wunu kwo, me ibed wunu jo ame tye kede niaŋ atut.”

⁷Ajuk won aŋale, oyeto ayeta, aco ajuk otim tim areco nwoŋo awano.

⁸Kur ijuk won aŋale, pien bino dagi oko, juk ŋat ame ryek, en bino mari.

⁹Pwony dano aryek, ryeko mere bino medde amedda, pwony ŋat a kite atira, ŋeccere bino medde ameda.

¹⁰Dano cako bedo kede ryeko ka ce lworo Rwot, dano ame ŋeo Ŋat Acil bedo kede niaŋ atut.

¹¹Ryeko mio kare me kwoni medde ameda, mio mwaka me kwoni medde bedo abup.

¹²Ka ce iryek, ryeko-nono bino konyi yin i komi, aco ka ce yin aŋale, aŋale bino kelli can,

¹³Dako amiŋ da meicel, bedo twon alaya kun lewic gire mom mako.

¹⁴En bedo i doggola mere kare luŋ, onyo i wi kom i kabedo ame otiŋere malo i boma,

¹⁵kun lwoŋo jo luŋ ame beo i ŋete, ame nwoŋo gigi awot anyim wotgi,

¹⁶“Biye wunu kan, wan jo a mom ŋeo ginnoro!” Aco baŋ jo ame wigi mom tio en kobo ni,

¹⁷“Pii akwala mit meicel, ogati akwala ka icamo muŋ yomoro cunyi nadi.”

¹⁸Lo-nono nwoŋo mom ŋeo ni to tye kuno, mom ŋeo ni wele a dako-nono luŋ tye piny i lyel.