Read lango Arabkop 11 Bible Online

Arabkop 11 - lango bible

Arabkop 11

¹Ket lim meri i tic baŋ jo, ocele, waŋŋoro ibino nwoŋo ginoro iye.

²Ket lim ame it ye kede i tic i kabedo apapat, pien mom iŋeo kan ame gum arac twero maki iye.

³Ka kot doŋ dwoŋ meicel i pol, twero lo oko te corre i lobo. Yat kadi orette tutuŋ anyarolum onyo tutuŋ anyarodi, kan ame en orette iye en ame daŋ buta iye,

⁴Ŋat ame bedo neno kit kodo a yamo mom coo koti piny, Ŋat ame keto cunye ineno kite ame polo owumere kede mom kao kac.

⁵Kite acalo mom iŋeo kite ame tipo me kwo donyo kede i kom atin ame tye i yi tottere, amannono daŋ, dano mom romo ŋeyo tic Obaŋa ame oketo jami luŋ.

⁶Co kotini odiko kede otyeno; pien mom iŋeo mene ame bino wok aber, ka ce man onyo maca, onyo ca gin luŋ obino bedo aber.

⁷Lero me ceŋ ame bedo tye dyecen ber meicel, neno ceŋ daŋ ber abera,

⁸Ka ce dano obedo kwo pi kare alalaca, cunye myero bed yom i kare-nono luŋ. Myero en ŋe ni mwakki me bedo mere i piny acol bino bedo abup meicel. Ginnoro luŋ ame bino timere konnyere mom.

⁹Wun jo atino, bil wunu gin aber me karewu oko; mi cunywu bed yom i kare me tinowu. Tim wunu gin ame cunywu mito ame waŋwu oneno. Cite myero ipo wunu ni Obaŋa bino ŋolliwu kop i kom ginnoro luŋ ame itimo wunu.

¹⁰Wek par atata kede ginnoro luŋ ame balo yotkom, pien kare me tino kede kare me awobi daŋ obedo gin a konnyere mom.