Read lango Arabkop 3 Bible Online

Arabkop 3 - lango bible

Arabkop 3

¹Pien jami luŋ tye kede karegi, jami luŋ ame timere i te polo kan tye kede karegi:

²Tye kare me nywalo dano kede kare me to mere; tye kare me pito ginnoro-ni kede kare me puto dok oko;

³tye kare me neko dano kede kare me cano acaŋa; tye kare me reto ot piny kede kare me gero agera,

⁴tye kare me koko kede kare me nyero; tye kare me kumo kede kare me myel,

⁵tye kare me babao gweŋe teŋe kede kare me coko acoka; tye kare me kwakere kede kare ame mom me kwakere;

⁶tye kare me yenyo gin orwenyo kede kare me rwenyo mere; tye kare gwoko ogwoka kede kare bolo abola;

⁷tye kare me yeco boŋo ayeca kede kare me kwoyo akwoa; tye kare me liŋ aliŋa kede kare me bedo kop akopa;

⁸tye kare me maro dano kede kare me dago adaga; tye kare me lweny kede kare me kuc:

⁹Kony aŋo ame atic nwoŋo pi lolle mere?

¹⁰Atyeko neno tic ame Obaŋa omio itino a dano me bedo yelle kede.

¹¹En oketo jami luŋ abeco meicel i karegi ikokome; dok omio dano twero ŋeyo kare a doŋ okato oko kede kare ame pwod tye anyim, cite kadi bed amannono, dano mom romo roto gin ame Obaŋa otio cakere iyi ageyi naka i agikki mere.

¹²Aniaŋ ni mom dok tye ginnoro ocele ame ber pi dano ame kato bedo i yomcuny, kun yomoro cunye i kare ame en pwod tye kwo;

¹³dok daŋ dano myero cam cem, matte, kun yomoro cunye i gin ame ebedo lolle kede, pien magi-nono obedo mot ame Obaŋa en omie.

¹⁴Aniaŋ ni gin ame Obaŋa timo perakino waŋ i waŋ; mom tye ginnoro ame dok otwero medo iye onyo ame otwero kwanyo akwanya iye. Obaŋa otimo amannono, me dano bed kede lworo i kome.

¹⁵Gin ame aman tye, yam koŋ obedo tye con, gin ame bino bedo tye, yam koŋ obedo tye con; Obaŋa yenyo gin ame oryemo oko teŋe.

¹⁶Medo i kom mannono, aneno ni i te ceŋ piny kan, timmogo areco en ame lunyo timere akaka tero jo luŋ arorom, akaka kite atira, tim areco en ame lunyo bedo tye.

¹⁷Man omio akobo i cunya ni, Obaŋa bino ŋolo kop a jo akitegi atira kede me a jo a kitegi reco, pien en otyeko keto kare me jami ducu.

¹⁸Dok ate kop i cunya ni Obaŋa tye atemo dano me nyuttigi ni gin orom aroma i leyi.

¹⁹Pien to a dano kede to a leyi rom aroma, kite dano to kede en ame leyi daŋ to kede. Kwogi tye acel, dano mom kato lee kede ginnoro, pien jami luŋ konygi mom.

²⁰Gin luŋ owoto i kabedo acel, gin luŋ oya iyi apua, dok gin luŋ odok i iyi apua,

²¹Ŋa kara ame ŋeo ka tipo a dano woto malo i polo, kun me a leyi woto piny i lobo?

²²Man omio aneno ni mom dok tye ginnoro ocele aber ame kato pi dano, kono ka dano ibedo kede yomcuny i ticcere, pien mannono keken en ame obedo gin ame otyeko pokke. Kara ŋa ame dok twero dwogo dano cen me bino neno gin ame bino timere i lobo i kare ame en doŋ pe iye?