Read lango Wer a Culeman 2 Bible Online

Wer a Culeman 2 - lango bible

Wer a Culeman 2

¹An acalo ature ame tye i bar me Caron, onyo kalaŋweka a turo arema ame maro tu i luluŋ.

²Nyan ame amaro-nono ka tye akina wadgi, calo tur kalaŋweka ame tye akina okuto

³Lo ame amaro-nono ka tye akina awobe wadgi, calo nanaci ame tye i akina yen i buŋ. Cunya yom meicel ka atye i te tipo mere, kome lim alima i doga.

⁴En okela i ot ame ocamo iye arama mere, mar en obedo bendera ame en jola kede.

⁵Mia acam olok otwo, mia nanaci me adwoggo kede cunya; pien mar omio two omako oko!

⁶Ateno wia i ciŋe tuncam, kun ciŋe tuŋcem tye okwako kora,

⁷Acikowu atek, wun anyira me Jerucalem, kun akwoŋo akwoŋa i nyiŋ leyi me tim.

⁸Awinyo dwon dyera ame amaronono. Koŋ inen en doŋ tye abino, apye kom apyea i wi kiddikiddi malo kuno, akirre akira i wi kiddi malo

⁹Dyera ame amaro kirre calo amyem, onyo calo twon atil. Koŋ inen kite ame ocuŋ kede i ŋe celwa kuca, kun oroo waŋe i dirica aneno yi-ot, dok daŋ tye anena i waŋ dirica.

¹⁰Dyera ame amaro-nono kobo keda, kun kobba ni, “Dyera acil ame amaro, ya owoti;

¹¹nen kare me cwir doŋ okato oko, kot daŋ mom doŋ cwe.

¹²Ature doŋ ocako nen oko i lobo, kare me wer doŋ ene, koko awele doŋ ocako winyere oko i lobowa.

¹³Oduro doŋ ocako nyak oko, olok daŋ ocako turo oko, turgi tye aduny akur meicel. Dyera acil, ame amaro, ya malo owoti.

¹⁴Yin ibedo awelena ame okanne i kidi ame obarre, yin i awelena ame opono i wi atenni malo; koŋ imia anen waŋi ba, koŋ imia awiny dwoni ba, pien dwoni winyo mit meicel, waŋi daŋ cil atek.

¹⁵Mak wunu ekwe luŋ, mak wunu naka itinogi, pien gin obalo olokwa oko, aco kono olokwa doŋ oturo oko.”

¹⁶Dyera ame amaro-nono en doŋ mega, an daŋ a mege, en kwao rommi mere i akina kalaŋweka,

¹⁷Dwog doŋ paco ba, yin dyera ame amaro, kun ikirre i ŋwec i wi kiddi malo, calo amyem onyo twon atil, tuno ka yamo me odiko doŋ ocako kodo aŋic, tipo daŋ doŋ orwenyo oko.