Read lango Icaya 2 Bible Online

Icaya 2 - lango bible

Icaya 2

¹Man en kop ame Obaŋa onyuto baŋ Icaya wot Amoj i kom Juda kede Jerucalem.

²Man bino timere i kare ame tye anyim: kidi ame ot a Rwot tye iye bino cuŋ malo iguŋ ame kato kiddi ducu, borrere bino kato lobo luŋ obedo tutur; orok luŋ bino ciro woto kuno,

³rok apol bino bino, te kobo ni, “Biye owot wunu i wi kidi a Rwot, i ot a Rwot Obaŋa a Yakobo; me en wot pwonywa i kite mere, me wan daŋ olub kite.” Pien cik bino ya i Cion, kun kop a Rwot ya i Jerucalem.

⁴En bino ŋolo kop i akina rok apapat rok apol bino lubo gin a en omoko. Pala lwenygi obino teto me kweri dyaŋ toŋigi bino doko pala me lwero jaŋ olok; rokkoro gire mom dok bino tiŋo pala romo me lweny i rok ocele, mom daŋ dok obino pwonyo kite me romo.

⁵Wun jo me ot a Yakobo, biye owot wunu kun lero a Rwot menyowa.

⁶Pien yin iweko joni oko ata, ame en jo me ot a Yakobo, pien otyet oya i kide odurre iye meicel, kede emuroko ame calo jo Piriciti, gin doŋ twotwomo ciŋgi kede orok.

⁷Ryal kede jabu dwoŋ meicel lobogi, lonyogi mom twero tum; aguragura daŋ dwoŋ meicel i lobogi, gadigadi lwenygi daŋ mom twero tum.

⁸Cal jogi odurre meicel i lobogi, gin oworo gin ame ciŋgi otio, gin ame gin otio kengi kede ciŋgi.

⁹Mannono gire omio doŋ okwanyo dit a dano oko, co doŋ odoko jo moro a piny meicel kur itimgi gire kica i bal man!

¹⁰Dony giri ba oko i lela, pon oko iyi apua, pi twon lworo adwoŋ i kom Rwot kede i kom kwogo me dittere.

¹¹Waŋ me abwone obino dwoko oko piny, awaka a co bino gire kwe oko. Obino pako ka Rwot keken i nino-nono.

¹²Pien Rwot me mony tye kede nino mere, pi ginnoro luŋ ame wakere kede ame lyerre, pi ginnoro luŋ amalo, ame otiŋere malo;

¹³pi yen cedar luŋ me Lebaŋon, aboco mege a tye malo; pi kworo luŋ me Bacan;

¹⁴pi kiddi luŋ ocuŋ i guŋ malo kede pi lobo luŋ obedo tutur,

¹⁵pi gedo luŋ abocoboco, kede pi cel me boma luŋ ogero atek;

¹⁶pi mel luŋ me Tarcic, kede pi yede luŋ abeco me anena.

¹⁷Abwone gire bino kwe oko, awaka a co bino dok oko piny; obino pako ka Rwot keken i nino-nono.

¹⁸Cal jogi luŋ obino jwero oko.

¹⁹Jo bino donyo i gorogoro kiddi, kede i burrogo ame tye i lobo, pi twon lworo adwoŋ i kom Rwot kede i kom kwogo me dittere, ka en bino ya malo me miyo myelkom bino i lobo.

²⁰I nino-nono cal jogi me ryal kede me jabu, ame jo otio pirgi kengi me awora, gin bino bolo oko baŋ bubu kede baŋ olik,

²¹ote donyo gigi i lela ame obarre, kede i akina kiddi okakaka, pi twon lworo adwoŋ i kom Rwot, kede i kom kwogo me dittere, ka en bino ya malo me miyo myelkom bino i lobo.

²²Wek dano ame weo tye i ume bedi, Konnyere kara ŋo ba?