Read lango Icaya 27 Bible Online

Icaya 27 - lango bible

Icaya 27

¹I nino-naca, Rwot bino keto can i kom Leviatan, ame en twol a ŋeo paŋŋere meicel me laro kwo mere; Rwot bino keto can i kome i twon pala romo mere atek, abit meicel, dok bino neko ajaraŋuu ame bedo i nam.

²I nino-naca, “Wer wunu wer i kom poto olok ame yomoro cuny.

³Ame an Rwot en agwoko; aonyo pi iye kare luŋ! Agwoko dyeceŋ kede dyewor me ŋattoro kur bal, akemo gire mom omaka.

⁴Kono okuto kede ocokocok tye iye an kono awoto alwenyo kedgi, ate waŋogi luŋaluŋa.

⁵Onyo ka ce gin olaro baŋa, myero gin ocikere me bedo keda i kuc, myero gin ocikere me bedo keda i kuc.”

⁶Kare tye abino anyim ame Yakobo bino ryeyo lwite calo olok, Icrael bino turo, bino lot, nyige bino poŋ lobo oko.

⁷Rwot ojwero Icrael kite a yam en koŋ ojwero kede jo ojwerogi? Onyo onekogi daŋ kite a yam en koŋ oneko kede jo ame onekogi?

⁸Ama Rwot yin ipyem kedgi, ite ryemogi oko, kun icwaogi teŋe i yamo agwa me dogi i kare ame yamo me oro kodo.

⁹Mannono bino miyo igonyo Yakobo i ballere man en ame bino bedo gin ame bino ya pi kwanyo ballere: ka en bino loko kiddi luŋ me keno lam odoko acalo gweŋ ame oluko apwot, kun jok a dako ame olwoŋo ni Acera onyo keno lam me waŋo odok akur mom dok tye moro ame ocuŋ.

¹⁰Pien boma ame ocelo atek doŋ oweko oko, kabedo mere doŋ oweko odoŋ nono calo tim ata; roce doŋ cemo gigi kuno, obuto gigi kuno kun ojwero pot ginnoro olot iye.

¹¹Kare ame jaŋe doŋ otwo, ote tuturo oko; mon te mwodo oko me kuto mac. Pien gin obedo rok a mom niaŋ, Obaŋa ame oketogi mom bino bedo kede kica moro i kormi Obaŋa ame ocweogi mom bino timogi ber.

¹²I kare-naca Rwot bino dino kal cakere i kulo Eufrate tuno naka i kulo me Miciri; Rwot bino cokowu acel acel, wun jo Icrael.

¹³Dok daŋ i ninonaca, obino kuto twon apelloro adwoŋ meicel, eka jo ame rik onwoŋo orwenyo i lobo me Acuria kede ame onwoŋo oryemo owoto i lobo me Miciri. Gin bino dwogo, ote bino woro Rwot i wi kidi acil, i Jerucalem.