Read lango Icaya 31 Bible Online

Icaya 31 - lango bible

Icaya 31

¹Jo ame woto i Miciri pi yenyo kony bino neno can jo ame oketo gengi i kom aguragura, kede i kom gadigadi me lweny, pien tye apol, kede i kom wegi aguragura, pien otek meicel, ento mom otiŋo waŋgi malo baŋ Ŋat Acil me Icrael, akadi penyo tam a Rwot!

²Aco kono en ryek, dok kelo can arac meicel, mom dok dwoko kop ame en okobo cen, en gire bino ya malo i kom jo atye i udi otim tim areco, kede i kom okony jo ame timo bal.

³Jo Miciri gire obedo dano mom obedo Obaŋa; aguragura daŋ kom ata-ni, mom gire obedo cuny. Ka Rwot oryeo bade, ami-kony bino gatte ni tyam tyam, aco ŋat akonyo bino rette oko piny, gin luŋ obino to oko karacel.

⁴Pien Rwot okobba ni mannono. Kite ame eŋatu onyo atin eŋatu mor kede i kom lee ame emako ame kadi lwoŋ lwak okwat apipim i kome, kome gire mom myel ka owinyo dwongi dok daŋ lworo mom mako pi woogi, mannono en kite ame Rwot me mony abino kede piny me bino lweny i kom kidi me Cion kede i kom turrere.

⁵Rwot me mony bino gwoko Jerucalem kite ame winyo lyero kede; en bino gwoko dok daŋ bino laro, en bino koyo Jerucalem, mio bwot oko.

⁶Wun jo Icrael ba, myero idok wunu baŋ ŋat ame ijem wunu i kome agwa wok ca.

⁷Pien i nino-nono ŋat acel acel bino bolo cal jokkere me ryal oko karacel kede cal jokkere me jabu ame onwoŋo itimo wunu bal iye pi tiyo kede ciŋwu.

⁸“Pala lweny ame mom obedo me a dano, bino neko jo Acuria; pala lweny ame mom obedo me a dano bino jwerogi oko; gin bino riŋo pala lweny oko, awobegi obino diyo i tic atek.

⁹Lworo bino miyo lelagi rwenyo oko, myelkom daŋ bino miyo odoŋegi weko bendera oko.” Rwot ame maccere tye i Cion, kede tanurrere tye i Jerucalem en okobo.