Read lango Icaya 4 Bible Online

Icaya 4 - lango bible

Icaya 4

¹I nino-nono mon abiro bino poto i kom ico acel ote kobbe ni, “Wan giwa obino camo cemwa kun daŋ oyenyo gi-arukawa i wiwa, cite yin myero itim ber ilwoŋwa i nyiŋi; kwany lewic i wiwa oko.”

²I nino-nono jaŋ yat ame Rwot en omio olot bino bedo aber, kun daŋ tye kede kwogo; gin ocek i lobo bino miyo jo Icrael odoŋŋege wakere kun daŋ otye kede kwogo.

³Ŋat acel acel ame odoŋ i Cion kede ame bedo i Jerucalem obino lwoŋo ni nar acil, jo luŋ ame occo nyiŋgi ni myero bed kwo i Jerucalem,

⁴i kare ame nwoŋo Rwot doŋ olwoko cilo i kom mon me Cion, kun daŋ doŋ otyeko lonyo remo oko i dye Jerucalem i cuny me ŋolo kop atira kede cuny me weyo gin arac oko.

⁵Rwot doŋ te keto pol kede yito dyeceŋ, kede acara mac ame lyel dyewor, i wi kabedo ducu ame tye i wi kidi me Cion kede i wi jo ame ocokere iye; pien ginnoro ame otio calo oker bino geŋo wi kwogo mere luŋ.

⁶Ginnono bino bedo me geŋo lyeto dyeceŋ, kede gi-geŋo yamo kede kot.