Read lango Icaya 50 Bible Online

Icaya 50 - lango bible

Icaya 50

¹Rwot okobo ni, “Waraga ame rik aryemo kede totowu tye kwene, ame rik amie i kare ame aryeme? Kara rik acatowu baŋ ŋa, i akina jo ame onwoŋo atye banyagi? Nen ba, rik acatowu pi balwu, pi bedo turo wunu cik, en omio oryemo totowu.

²Kara piŋo i kare ame rik abino, mom anwoŋo dano moro? Kare ame alwoŋo, piŋo ŋattoro mom ogamo doga? Ciŋa doŋ cecek bo, me lakorowu? Tekona mom tye bo, me larowu? Koŋ inen, nam odwono oko i kare ame ajuko, atwero loko kulli doko tim otwo, rece iye te doko acoo oko pi can pii, oto oko pi oryo pii.

³Aromo miyo polo doko acol icuc, ate miyo bedo calo dano a kwero cola.”

⁴Rwot Obaŋa doŋ opwonya i kop ame myero akob, me aŋe kobo kop me medo teko baŋ dano ame ool. En coa nino luŋ odiko, me awiny gin ame en opwonya kede.

⁵Rwot Obaŋa doŋ oyabo gire yita oko, mom ajem, mom daŋ alokke ŋea.

⁶Alokki jo ame goa ŋea, kede lema baŋ jo ame telo yer tika; mom ageno waŋa i lewic kede i lao ame oŋulo iye.

⁷Pien Rwot Obaŋa konya, omio alee gire mom otwoda; mannono omio akao laka kun waŋa tek calo lela, dok onwoŋo aŋeo ni mom obino keto lewic i koma; pien ŋat abino miya aloo kop tye ceggi keda.

⁸Ŋattoro tye ame mito pida? Myero ocuŋ kede karacel i nyim okiko, Ŋa kara ame opido kede-nono? En myero bin i ŋeta kan.

⁹Nen ba, Rwot Obaŋa konya, ŋa ame bino ŋolo kop loa? Nen ba, gin luŋ obino ti caloboŋo, nyenye bino camogi oko,

¹⁰Ŋa i akinawu ame lworo Rwot, ame winyo kop ame amiro mere kobo? Ŋa ame woto i piny acol kun mom neno yo ame ewot iye, cite geŋo gire Rwot, kun jeŋere i kom Obaŋa mere?

¹¹Nen ba, wun jo luŋ ame cwinyo mac, wunjo ame moko mac i kom yen! Wot wunu i lero mac ame icwinyo wunu, kun mac ame imoko wunu menyowu. Gin ame ibino nwoŋo wunu i baŋa ene: ibino buto wunu piny kun itye wunu twon rem adwoŋ meicel.