Read lango Icaya 6 Bible Online

Icaya 6 - lango bible

Icaya 6

¹I mwaka ame abaka Ujjia oto iye, rik aneno Rwot obedo i wi kommere me loc, kun tye odyede malo, dit meicel, lak boŋo mere oromo yi ot Obaŋa luŋ,

²cerapi tye ocuŋ i ka wie malo, kun ŋat acel acel i akinagi tye kede bwome kanyape; aryo me geŋo waŋgi, aryo me geŋo tyengi, kede aryo me twarregi.

³Gin onwoŋo tye awer kun ŋat acel acel gamo ni, “Rwot me mony cil, cil dok cil; wi podo luŋ opeŋ i kwogo mere.”

⁴Acakki me te doggola te yeŋere pi wer ame gin awero-nono, yito onwoŋo omwono yi ot oko,

⁵An ate kobo ni, “Aneno can doi! Ato oko doi; pien an a dano ame kop a ya i doga mom cil; dok daŋ abedo i akina rok ame kop i doggi mom cil; aco waŋa oneno abaka, ame en Rwot me mony.”

⁶Eka ŋat acel i akina ocerapi te twarre bino baŋa, kun omako loti mac i ciŋe, ame en okwanyo i wi keno lam, kun okwanyo i boi kwanyo mac.

⁷Oreo doge te kobo ni, “Nen ba, man doŋ oreo dogi, rocci doŋ okwanyo oko, balli doŋ oweko oko.”

⁸An ate winyo dwon Rwot kun kobo ni, “Abino kara oro ŋa? Ŋa kara ame bino wot pirwa?” An ate gamo ni, “An ene; ora.”

⁹En te kobo ni, “Wot i kobbi rok man ni, ‘Me winyo, ibino winyo wunu, ento mom ibino ni an wunu tere. Me neno, ibino bedo neno wunu, ento mom ibino ŋeyo wunu.’

¹⁰Mi rok man cunygi dok nwaŋ, yitgi diŋ oko, me gin kur nen kede waŋgi, yitgi daŋ kur winy, kur daŋ oniaŋ iye i cunygi me kur olokere odwog baŋa ate canogi oko.”

¹¹An ate penyo ni, “Pi kare a rom mene, ama Rwot?” En te dok iye ni, “Naka waŋ ame boma luŋ, yigi odoŋ nono, aboŋo ŋattoro ame bedo i yigi, jo moro daŋ doŋ mom abedo i udi lobo doŋ tye nono aboŋo ginnoro kadi acel,

¹²kun Rwot doŋ ocwao jo teŋe kannabor, wi obur ame oweko oradde atata i dye lobo.

¹³Akadi bed acel me apar doŋ iye obino dok waŋo oko, calo kworo onyo opok, ame iciki mere odoŋ, kun doŋ otyeko toŋo kome oko piny.” Icika mere en a bedo koti acillere.