Read lango Icaya 61 Bible Online

Icaya 61 - lango bible

Icaya 61

¹ Rwot Obaŋa doŋ ocwao cunye i koma, pien doŋ okwera, me ater amut aber baŋ jo ame owuno, Oora me caŋo jo ame cwercuny onuo, kede rabbi jo ame tye i opii ni obino gonyogi oko, kede baŋ jo ame otweo i buc ni obino yabigi doggola oko;

²dok arab pi mwaka ame Rwot bino timo iye jo ber, kede kare me culo kwor Obaŋawa: me kweyo cuny jo ame kumo.

³Oora me miyo jo ame kumo Cion, me miyogi tok kwogo akaka buru, moo wir me yomcuny akaka kumo, ruk me pako Obaŋa akaka cuny ame goro. Obino lwoŋogi ni kworo me kite atira, yen ame Rwot opito, me wek mie kwogo.

⁴Gin bino dok gero wi obur ame yam oballe con, obino dok gero oko kan ame rik oyayako, obino yikoboma luŋ ame onwoŋo oballe, i lobo onwoŋo oballe con meicel.

⁵Orok bino cuŋ kun kwao rommiwu, gin daŋ en ame bino puro pottiwu kede poto olokwu;

⁶cite wun obino lwoŋowu ni olamdog a Rwot, jo bino kobo ni wun ibedo wunu otic Obaŋawa; ibino wunu camo lonyo a rok apol, ibino bedo wunu kede kwogo pi limgi-nono.

⁷Akaka lewic obino miyogi abup kun odode adoda i wi wadgi, akaka alane ibino lelo wunu pi gin a doŋ bup i i ciŋwu, mannono bino miyo inwoŋo wunu lim abup i lobowu, ame ododoka adodok wiwadgi, ibino doŋ lelo wunu nakanaka.

⁸Rwot okobo ni, “An amaro ŋolo kop atira, adag yak kede tim arac; abino culo waŋ can ame opoto komgi kakare, abino cikere kedgi i cikere ame perakino nakanaka.

⁹Ikwaegi bino ŋeye atek i akina orok, nyiŋ jo ame oya i komgi bino rwo i akina rok luŋ; ŋattoro keken ame bino nenogi, bino niaŋ i komgi, ni gin obedo rok ame Rwot omio gum.”

¹⁰Jerucalem bino lelo meicel i Rwot, cunye bino bedo yom i kom Obaŋa mere; pien oruke kede boŋŋi me larre owume kede jor aber me kite atira, acalo anyom ame orukere aber tok kwogo, dok acalo ater a ame orukere ruk me wel.

¹¹Pien kite acalo jami apapat ru lobo, dok poto daŋ mio gin ame ocoo iye tu, amannono daŋ Rwot Obaŋa bino miyo kite atira, kede pak tu i nyim rok luŋ.