Read lango Icaya 7 Bible Online

Icaya 7 - lango bible

Icaya 7

¹I kare ame wot a Yocam, wot a Ujjia, abaka me Juda, Rejin abaka me Curia, kede Peka wot a Remalia, abaka me Icrael, gin aryo luŋ rik obino i Jerucalem me lweny i kome, ento loyo romo te twerre.

²Kare ame otito koppere baŋ ikwae a Daudi ni, “Jo Epraim doŋ oribere oko i jo Curia, cuny Akaj karacel kede jo mere te myel meicel kite ame yen yeŋere kede ka yamo akodo.”

³Rwot te kobbi Icaya ni, “Wot irwatte wun kede Akaj, yin karacel kede wodi Cear-yacub[1]” wot irwatte wunu kede i agikki me yo pii ame mol tero pii iyi atapara ame tye tuŋ malo, i yo adwoŋ ame woto i poto Alwok-boŋo,

⁴ite kobbe ni, “Gwokere, bed mot, kur daŋ ilwor, cunyi daŋ kur poti pi iciki aryo ame owaŋ oko ame yitogi tye aduny-nyi.”

⁵Pien jo Curia kede jo Epraim kede wot a Remalia, gin oporo kop arac i komi, kun kobo ni,

⁶“Owot olweny i kom Juda, omie ebed alwor meicel, me oma bed megwa, ote keto wot a Tabeel bedo abaka iye.”

⁷Mannono omio Rwot Obaŋa okobo ni, Cobo tamgi bino loyogi oko, mom gire bino cobere.

⁸Pien boma adwoŋ me Curia en Damaciko, dok ŋat adwoŋ i Damaciko en Rejin. (Ame mom ru mwaka pyerabicel wie abic okato obino ŋiŋinyo jo Epraim oko, ame bino miyo gin mom dok bino medde bedo rok.)

⁹Dok boma adwoŋ me Epraim en Camaria, ŋat adwoŋ i Camaria en Remalia. Ka ce mom ibino ye wunu, ateteni, mom gire ibino cuŋ wunu.

¹⁰Rwot dok te kobbi Akaj ni,

¹¹“Peny anyuttoro i baŋ Rwot Obaŋani; kadi anyut ame tye piny i lyel twal onyo ame bedo malo i polo twal.”

¹²Ento Akaj te kobo ni, “Mom gire abino penyo, mom aye temo Rwot.”

¹³En dok te kobo ni, “Aco koŋ iwiny wunu wun ikwae a Daudi. Lolo dano mom ru oromowu bo, ame omio wun dok lolo wunu kom Obaŋana daŋ-nie?

¹⁴Pi mannono ba, Rwot ikokome en ame bino miyowu anyut. Nyannoro ame mom ru oŋeye kede ico bino yac, te nywalo awobi, obino cako nyiŋe ni Emmanuel[2].

¹⁵En bino mato cak awac kede moo kic ka doŋ ŋeo kwero gin arac kede yero gin aber.

¹⁶Pien atin-nu mom ru ŋeo gin arac kede yero gin aber, lobo ame obakki mere aryo-nu, ame yin itye i twon lworo moro adwoŋ i komgi-nono bino doŋ nono.

¹⁷Rwot bino miyo kare moro bino i komi kede i kom joni, kede i kom jo me ot a kwaroni ame yam mom ru onen cakere ame jo Epraim opokere i Juda, en bino kelo abaka me Acuria.”

¹⁸I kare-nono Rwot bino lwoŋo lwaŋi ame bedo i acakki kulo me Miciri, kede kic ame bedo i lobo me Acuria, kun lwoŋogi kede lwio.

¹⁹Gin luŋ obino bino ote ony i luŋ atut, kede i akina lela ame obabara oko, kede i wi okuto luŋ, kede iyi elet ducu.

²⁰I kare-nono Rwot bino kelo dano moro i loka kulo Eufrate, ame en abaka me Acuria. En bino timowu lit calo dano ame olyelo yer wie kede yer kome luŋ.

²¹I kare-nono dano bino gwoko roa kede megi rommi aryo,

²²cite pi cak adwoŋ meicel ame gin bino miyo dano-nono, dano-nono bino mato cak awac kede moo kic.

²³I kare-nono potti luŋ ame rik onwoŋo tye iye tyen olok tutumia, ame poto acel acel wellere romo cekel me ryal tutumia, bino doko kabedo okuto kede ocokocok.

²⁴Jo bino wot akud atero kede atero kuno, pien okuto kede ocokocok bedo i luŋ;

²⁵aco lobo luŋ obedo kidikidi ame yam onwoŋo opuro kede kweri, mom dok ibino wot wunu kuno pi lworo okuto kede ocokocok. Kuno bino doko kan ame dok cemo iye kengi; rommi kede dyegi bino wowota iye.