Read lango Icaya 8 Bible Online

Icaya 8 - lango bible

Icaya 8

¹Rwot dok te kobba ni, “Kwany kidi alaccere me ico yie i coc ame jo luŋ romo kwano, ‘Maer-calal-kac-baj[3].’ ”

²Dok ate nwoŋo caden agenne, Uria alamdog kede Jekeria wot a Yeberekia, me bedo ocadenna.

³Rik ate ribere kede adwarpiny a dako ame obedo dakona, en te yac, te nywalo atin awobi. Rwot te kobba ni, “Cak nyiŋe ni Maer-calal-kac-baj;

⁴pien kun mom ru atinnono ŋeo lwoŋo ni ‘Apap’ onyo ‘Aya’ obino gwaro lonyo a jo Damaciko karacel kede jami ayaka a jo Camaria ote tero i nyim abaka me Acuria.”

⁵Rwot dok te kop keda kun kobo ni,

⁶“Jo man doŋ okwero pii me Ciloa ame mol gire mot ote lunyo bedo lelo gigi i nyim Rejin kede i nyim wot a Remalia;

⁷pi mannono, Rwot bino miyo pii me kulo Eufrate amol atek dok daŋ dwoŋ meicel corre i komgi, ame jen abaka me Acuria karacel kede kwogo mere luŋ, Pii-nono bino poŋ i kona me yo luŋ, kun mollapakino atata;

⁸bino mol kato i Juda, kun mol lapakino atata, kato anyim, bino poŋ malo ame kato naka i ŋut twal, Pien Obaŋa tye kedwa! En bino yaro bwome me gwoko lobo man.”

⁹Mwolle wunu, wun rok luŋ, cunywu myero poti; ter wunu yitwu, wun lobo luŋ ame tye kannabor; twe wunu pyerwu, kun cunywu daŋ poto, twe wunu pyerwu kun cunywu daŋ poto,

¹⁰Por wunu kop karacel, cite ginnoro mom bino ya iye; kob wunu kop, ento mom gire bino cobere, pien Obaŋa tye kedwa.

¹¹Rwot okobba kit man pien ciŋe onwoŋo odia atek dok daŋ okwenyoro an ni kur alub kite a rok man, kun kobo ni,

¹²“Kur ilwoŋ wunu ni poro kop i muŋ gin ame rok man lwoŋo obedo poro kop i muŋ, kur daŋ ilwor wunu gin ame gin lworo, koyo moro daŋ kur onyere i komwu.

¹³Ento myero iŋe wunu ni Rwot me mony en gire cil; en a myero bed gin ame ilworo wunu, dok en a myero mi koyo onyere i komwu.

¹⁴En bino doko kan acil, kede gweŋ ame gato jo, kede kidi me twomere a jo me doggola obakki aryo luŋ, me Juda kede me Icrael, dok en bino bedo owic kede kumma me ciko jo ame bedo i Jerucalem.

¹⁵Jo apol bino twotwoma iye; obino rette ote tutura oko; obino cikogi kede kumma ote moko.”

¹⁶Jo ame owinyo kop ame an apwonyo myero gwok aber kur rweny.

¹⁷Rwot opono gire oko mom dok nen baŋ jo mere, cite an gira abino kure kun atye kede gen i kome.

¹⁸Nen ba, an kede itino ame Obaŋa doŋ omia, wan obedo anyut kede anen baŋ jo Icrael ame oya i baŋ Rwot me mony, ame kom loccere tye i wi kidi me Cion.

¹⁹Ka ce gin okobbiwu ni, “Koŋ iwot ipeny wunu emuroko kede ojogi ame kabo ni, wee, wee, calo ŋat a dum aduma”, gin bino kobo ni, “Rok ocele daŋ myero peny obaŋegi; myero daŋ openy tipo a jo oto pi jo akwo.”

²⁰Aco winy wunu pwony kede kop ame atuco baŋwu! Ateteni, kop ame gin okobo-nono, gin okobo pien pwod otye i piny acol, piny mom ru oruyigi.

²¹Jo bino bebea i lobo kun otye i twon peko adwoŋ meicel, ame kec ocirogi oko. Gin bino putte akemo kun kec onekogi, ote cako ceno abakagi kede Obaŋegi.

²²Gin bino nayo waŋgi malo i polo, kun okulo wigi oŋoŋio naka te lobo piny, cite mom obino neno ginnoro, kono ka peko kede colpiny, twon mutu moro iyiliyili ame otye ka miyogi coro. Yo moro bino bedo pe me bwot i lobo acol icuc ame tye kede i twon rem adwoŋ.