Read lango Olevi 12 Bible Online

Olevi 12 - lango bible

Olevi 12

¹Rwot okobbi Muca ni,

²“Kob baŋ jo Icrael ni, Ka ce dako oyac, te nywalo atin awobi, en bino bedo ŋat a cik ogeŋo pi nino abiro; en bino bedo ŋat a cik ogeŋo calo i kare me twoyo two dwe.

³I nino me aboro mere obino liro del kom atin me co.

⁴Icennere daŋ-nu dok medo bedo pi nino pyeradek wie adek ocele tuno ka doŋ olony i remo mere; en mom bino gudo kom ginnoro acil, daŋ mom bino tuno i ot Obaŋa ituno ka nino me lonyere mere otum.

⁵Ento ka ce en onywalo atin a nyako, en bino bedo ŋat a cik ogeŋo pi cabit aryo acalo i kare me two twoyo two dwe; en dok te medo bedo pi nino pyerabicel wie abicel ocele tuno ka doŋ olony i remo mere.

⁶“I kare ame nino me lonyere mere doŋ otum, kadi me atin awobi onyo nyako, daŋ-nu bino kelo atin romo a dittere romo mwaka acel kun kelo baŋ alamdog i doggola kema me rwatte me mot awaŋa me yalo Obaŋa, bino kelo daŋ atin awele onyo amam me mot me bal.

⁷Alamdog doŋ bino miyo i nyim Rwot, eka te tiyo ticcere me kwanyo bal i kome; dako doŋ te doko ŋat a cik mom ogeŋo pien doŋ olony i kom remo mere ame obedo cwer. Man en cik a mako dako ame onywalo awobi onyo nyako.

⁸Cite ka ce en acan a mom twero nwoŋo romo, en bino tero amam aryo onyo itino awele aryo, acel me mot awaŋa, eka en ocele te bedo me mot bal. Alamdog doŋ te tiyo ticcere me kwanyo bal i kome, en doŋ te doko ŋat a cik mom ogeŋo.”