Read lango Olevi 13 Bible Online

Olevi 13 - lango bible

Olevi 13

²“Ka dano moro del kome okwot, onyo oluro onyo ococola, eka te lokere doko two dobo i del kome, obino kelo dano-nono baŋ Aron, alamdog onyo baŋ dano moro acel i akina awobe mere ame gin daŋ olamdog.

³Alamdog bino ŋiyo two i del kome-nono; ka yer kome i kan ame ococola-nono olokere odoko atar calo lwar kun kan ame two tye iye-nono nen ame ogolle atut kato kome oko, mano nwoŋo two dobo. Kare ame alamdog doŋ otyeko ŋiyo kome, en bino tuco kannaler ni dano-nono doŋ ŋat a cik ogeŋo.

⁴Ento ka kan ococolanono tar ame kato del kome kun daŋ nen ni mom ogolle atut akato kome, dok daŋ yer ame tye kannono mom olokere atar, alamdog bino cego danonono ot pi nino abiro.

⁵I nino me abiro mere myero alamdog dok med ŋiyo kome, cite ka en oŋio te neno baŋe ni two-nono mom dok omedde nya i del kome kan ocele, alamdog myero dok medde cego dano-nono i ot pi nino ocele abiro.

⁶I nino me abiro mere alamdog myero dok med ŋiyo kome, cite ka en onwoŋo ni two ame ococola i kome-nono doŋ arwenyo arwenya, dok daŋ mom omedde nya i del kome kan ocele, alamdog bino tuco kannaler ni dano-nono gire mom cik ogeŋo; kome gire oluro alura keken. Atwo bino lwoko boŋŋi mere eka te doŋ bedo ŋat a cik mom ogeŋo.

⁷Ento ka ce kome odugo-nono onya i del kome kan ocele i ŋe nyutte mere baŋ alamdog pi neno ka ce two mere-nono mom mio cik gene, en dok bin i nyim alamdog.

⁸Alamdog dok bino ŋiyo kome; ka ce onwoŋo ni kome odugonono doŋ onya i del kome kan ocele, alamdog bino tuco kannaler ni danonono doŋ ŋat a cik ogeŋo; mano two dobo.

⁹“Ka dano moro two dobo omako, myero kel dano-nono baŋ alamdog.

¹⁰Alamdog bino ŋiyo kome; ka alamdog onwoŋo ni tye kan okwot atar i del kome kun oloko yer i kannono odoko atar dok kannono mito lokere doko bur,

¹¹mano nwoŋo dobo a mom caŋ en a tye i kome-nono. Alamdog myero tuc kannaler ni dano-nono doŋ ŋat a cik ogeŋo; mom bino cego dano-nono i ot pein en dano a cik ogeŋo oko.

¹²Aco ka two i kome-nono onwoŋo doŋ ocorre i del kome luŋ, cakere i wie tuno anaka i tyene piny, ame alamdog twero neno,

¹³alamdog bino ŋiyo kome. Ka en onwoŋo ni two-nono doŋ oromo kome luŋ, alamdog bino tuco kannaler ni two-nono gire mom mio cik geŋe; pien doŋ olokere odoko atar luŋ aluŋa, en doŋ bedo ŋat a cik mom ogeŋo.

¹⁴Cite ka burroro dok onen i kome, en doŋ bino bedo ŋat a cik ogeŋo.

¹⁵Alamdog bino ŋiyo bur anyennono te tuco kannaler ni en doŋ ŋat a cik ogeŋo; burrono nwoŋo cik ogeŋo, pien mano nwoŋo two dobo.

¹⁶Cite ka burrono dok olokere odoko atar, en myero dok bin baŋ alamdog;

¹⁷alamdog dok bino ŋiyo kome. Ka ce onwoŋo two nono olokere odoko atar, alamdog bino tuco kannaler ni two mere-nono mom gire mio cik geŋe, en doŋ bedo ŋat a cik mom ogeŋo.

¹⁸“Dok ka odeke onwoŋo okwot i kom ŋattoro eka te caŋ oko,

¹⁹icennere doki kaka odeke-nono te kwot atar onyo ococola atar me iremarema, myero onyut baŋ alamdog.

²⁰Alamdog bino ŋiyo, ento ka onen ni ogolle atut akato del kome, dok daŋ yer i kannono olokere atar, alamdog doŋ bino tuco kannaler ni en doŋ ŋat a cik ogeŋo, mano nwoŋo two dobo ame ocorre kaka odeke.

²¹Ento ka ce alamdog oŋio te nwoŋo yer i kannono mom gire tar, dok daŋ kakare mom ogolle atut akato del kome, cite tye arwenyo arwenya, alamdog bino cego dano-nu i ot pi nino abiro.

²²Ka ce omedde nya i del kome, alamdog bino tuco kannaler ni en doŋ dano a cik ogeŋo, pien nwoŋo two.

²³Cite ka kan ococolanono omedde bedo i kabedo acel keken kun mom nya, mano gire nwoŋo waŋ poo me odeke; alamdog bino tuco kannaler ni dano-nono gire mom ŋat a cik ogeŋo.

²⁴“Onyo ka dano moro mac owaŋo te bwato kome oko, eka waŋ bur me maccono te dok cocola atar me iremarema onyo atar,

²⁵alamdog bino ŋiyo two-nono. Ka onwoŋo yer ame tye kan ococola-nono olokere odoko atar, kun kakare nen ame ogolle akato del kome oko, mano nwoŋo two dobo. Dobo nwoŋo ocorre kan a mac owaŋo, mano bino miyo alamdog tuco kannaler ni en ŋat a cik ogeŋo; mano nwoŋo two dobo.

²⁶Cite ka alamdog oŋio, te nwoŋo yer i kan ococola-nono mom olokere atar, dok daŋ mom ogolle atut akato del kome, ento tye arwenyo arwenya, alamdog bino cege i ot pi nino abiro.

²⁷I nino me abiro mere alamdog dok bino ŋiyo kome; ka ce en onwoŋo tye amedde nya i del kome kan ocele, alamdog bino tuco kannaler ni en dano a cik ogeŋo; mano nwoŋo two dobo.

²⁸Ento ka kan ococola-nono omedde bedo i kabedo acel kun mom nya i del kome, cite tye arwenyo arwenya, mano nwoŋo okwot gire akwota kan a mac owaŋo. Alamdog bino tuco kannaler ni en gire ŋat a cik mom ogeŋo; pien mano nwoŋo waŋ poo me kan a mac owaŋo.

²⁹“Ka lo moro onyo dako moro tye kede two i wie onyo i yer tike,

³⁰alamdog bino ŋiyo two-nono. Ka ce en onwoŋo ni ogolle atut akato del kome kun yer a tye kannono olokere odoko acalo ocokocok dok daŋ ojwerojwer, alamdog bino tuco kannaler ni en ŋat a cik ogeŋo. Mano nwoŋo two akukuc, ame en dobo me wic onyo yer tik.

³¹Ka alamdog oŋio two me akukuccono, te nwoŋo ni mom gire ogolle atut akato del kome kun yerroro acol mom iye, alamdog bino cego won two akukuccono i ot pi nino abiro.

³²I nino me abiro mere alamdog bino dok ŋiyo two-nono; ka ce onwoŋo ni akukuccono mom omedde nya, dok daŋ mom tye iye yer ame calo ocokocok, dok akukuccono daŋ mom ogelle atut akato del kome,

³³dano-nono myero lyel wie oko kun mom lyelo kan obedo akukuc. Alamdog myero dok med cego won two akukuccono i ot pi nino ocele abiro.

³⁴I nino me abiro mere alamdog bino ŋiyo two mere; ka ce onwoŋo ni akukuc mom omedde nya i del kome dok daŋ mom ogolle atut akato del kome, alamdog bino tuco kannaler ni en gire mom ŋat a cik ogeŋo. En bino lwoko boŋŋi mere, te bedo ŋat a cik mom ogeŋo.

³⁵Cite ka akukuc omedde nya i del kome kun en doŋ odoko ŋat a cik mom ogeŋo,

³⁶alamdog bino dok ŋiyo kome. Ka onwoŋo akukuc omedde nya i del kome, alamdog mom dok bino yenyo yer acalo ocokocok; en doŋ dano a cik ogeŋo.

³⁷Ento ka onwoŋo ni akukuc mom omedde nya, dok daŋ yer acol tye alot iye, kun akukuc doŋ ocaŋ oko, dano-nono nwoŋo doŋ ŋat a cik mom ogeŋo; alamdog bino doŋ tuco kannaler ni en gire ŋat a cik mom ogeŋo.

³⁸“Ka ce del kom ico onyo dako ococola atatar,

³⁹alamdog bino ŋiyo kom dano-nono. Ka en onwoŋo ni del kome ococola-nono mom tar wok, mano nwoŋo del kome gire odugo aduga; en mom ŋat a cik ogeŋo.

⁴⁰“Ka ce yer wi lo moro olwer oko, en odoko lon a wie otal, ento en gire mom bedo ŋat a cik ogeŋo.

⁴¹Dok ka yer wi lo moro olwer oko i tuŋ nyime, en obedo lon a wie otal i tur nyime, cite en gire mom ŋat a cik ogeŋo.

⁴²Cite ka tye two moro ame ococola atatar me iremarema i wie otallono onyo i tur nyime otallono, mano nwoŋo two dobo en ocorre i wie otallono.

⁴³Alamdog bino ŋiyo kom dano-nono, cite ka onwoŋo ni two okwokwota i wie onyo i tur nyime otallono obedo atatar me i remarema, kun calo dobo a tye iyedel kom,

⁴⁴dano-nono nwoŋo won dobo, en ŋat a cik ogeŋo. Alamdog bino tuco kannaler ni en obedo ŋat a cik ogeŋo. Two mere tye i wie.

⁴⁵“Won dobo myero ruk boŋŋi oketoket, gony daŋ yer wie oko, dok myero daŋ wum del doge i malo mere oko te redo ni, ‘An cik ogeŋa oko; an cik ogeŋa oko.’

⁴⁶En bino bedo ŋat cik ogeŋo pi kare luŋ ame two pwod tye i kome; en obedo ŋat a cik ogeŋo. En bino bedo i ode kene teŋe i ŋe gony.

⁴⁷“Ka ce two dobo onen i boŋo moro ame oruko, kadi bed boŋo yer romo onyo boŋo camanini,

⁴⁸i kom uci oryeye atira tira onyo i kom uci oryeye aria ria me boŋo camanini onyo me yer romo, onyo i kom lao, onyo i kom ginnoro ame otio i lao,

⁴⁹ka two-nono nen calo tworo tworo onyo i remarema i kom rukkoro onyo i kom uci oryeye atira tira onyo aria ria, onyo i kom lao, onyo i kom ginnoro ame otio i lao, mano nwoŋo two dobo, myero nyut baŋ alamdog.

⁵⁰Alamdog bino ŋiyo two-nono eka te cego gin a two tye iye-nono i ot pi nino abiro.

⁵¹I nino me abiro mere en bino dok ŋiyo two-nono. Ka onwoŋo two omedde nya i rukkono i kom uci atira onyo i kom uci ariye aria, onyo lao me tiyo ticcoro keken, two-nono nwoŋo obedo dobo ame ŋoŋolo jami, ginnono obedo gin a cik ogeŋo.

⁵²Alamdog bino waŋo rukkono oko, kadi bed two tye i kom uci atira mere onyo i kom uci oriye aria i boŋo yer romo onyo i boŋo camanini, onyo i kom ginnoro ame otio i lao; pien mano two dobo ame ŋoŋolo jami; obino waŋo i mac.

⁵³“Ka alamdog oŋio te nwoŋo two mom omedde nya i rukkono, i kom uci atira onyo i kom uci oriye aria, boŋo yer romo onyo i boŋo camanini onyo i kom ginnoro ame otio i lao,

⁵⁴alamdog myero mi lwok gin a two tye iye-nono, en dok te cego i ot pi nino ocele abiro.

⁵⁵Alamdog bino dok ŋiyo gin a two tye iye-nono i ŋe lwoko. Ka en onwoŋo raŋi mere mom olokere i kan ame two tye iye-nono, kadi bed two-nono mom omedde nya, ginnono obedo gin a cik ogeŋo; obino waŋo i mac, kadi two onwoŋo oŋolo yoŋee onyo yie.

⁵⁶“Cite ka alamdog oŋio te nwoŋo ni two mom gire nen iye atek kun doŋ olwoko oko, en myero yee kakannono keken i kom rukkono onyo i kom lao, i kom uci atira onyo i kom uci oriye aria.

⁵⁷Ka dok two-nono omedo nen i kom rukkono icennere onyo i kom uci atira onyo i kom uci oriye aria onyo i kom ginnoro ame otio i lao, kun medde nya; obino waŋo gin a two tye iye-nono i mac.

⁵⁸Ruk a two oya iye oko i kare a doŋ olwoko, kadi i uci atira onyo i uci oriye aria, onyo i ginnoro ame otio i lao, myero dok lwok tyen me aryo, eka te bedo doŋ gin a cik mom ogeŋo.”

⁵⁹Man cik a mako two dobo ame tye i kom ruk me boŋo yer romo onyo boŋo camanini, i uci atira mere onyo i uci aria mere, onyo i kom ginnoro ame otio i lao, pi moko ka cik ogeŋo onyo cik mom ogeŋo.