Read lango Olevi 17 Bible Online

Olevi 17 - lango bible

Olevi 17

¹Rwot okobo baŋ Muca ni,

²“Kobbi Aron kede awobe mere kede jo Icrael luŋ ni, Man en gin a Rwot ociko.

³Ka ce dano moro me ot Icrael oneko twon onyo atin romo onyo dyel i gony onyo oneko i ŋe gony oko,

⁴kun mom okelo i doggola kema me rwatte me mot baŋ Rwot i nyim kema a Rwot, remo me roc a dano-nono bino bedo gire i wie. Dano-nono waŋe bino rwenyo oko i akina jo me turgi pien oonyo remo,

⁵Man ociko me jo Icrael kel leyi aŋolagi ame obedo neko i dye bar, gin kelgi baŋ Rwot, baŋ alamdog i doggola kema me rwatte, me aneka me mot me kweyo cuny baŋ Rwot.

⁶Alamdog bino kikiro remo mere i keno lam a Rwot i doggola kema me rwatte, bino waŋo dwolo obed gin a ŋwece kur a yomoro cuny Rwot.

⁷Kite-nono gin mom dok obino miyo mot me yalo jogi me tim ame gin otimo, tim me coco baŋgi kun olubo yorgi. Man bino bedo cik baŋgi atwal tuno naka i kare i kwaegi luŋ.

⁸“Ibino kobbigi ni, Dano moro me doggola Icrael, onyo i akina orok ame bedo i akinagi, ame oyalo Obaŋa i mot awaŋa, onyo mottoro ame oŋolo,

⁹kun mom okelo i doggola kema me rwatte me aŋola baŋ Rwot, dano-nono abino miyo waŋe rwenyo oko i akina jo turgi.

¹⁰“Ka dano moro me doggola Icrael, onyo i akina orok ame bedo i akinagi, ocamo remo, abino ciko waŋa i kom dano ocamo remo-nono, dok daŋ obino miyo waŋe rwenyo oko i akina jo turgi.

¹¹Pien kwo a riŋo tye i remo, an doŋ atyeko miyo oko pirwu i wi keno lam me kwanyo bal i kom tipowu; pien remo obedo gin ame kwanyo bal, pi kwo ame tye iye-nono.

¹²En omio akobo baŋ jo Icrael ni. Dano moro i akinawu myero kur cam remo, arokkoro ame bedo i akinawu daŋ myero kur cam remo.

¹³Dok dano moro i akina jo Icrael onyo i akina orok ame bedo i akinagi, ame omako lee onyo winyo moro ame ocamo, kare ame en owoto i dwar, bino onyo remo mere i lobo, te wumo oko kede kwoyo.

¹⁴“Pien kwo a gin Obaŋa oketo luŋ en remo mere; en omio aciko jo Icrael luŋ ni, Myero kur icam wunu remo me ginnoro luŋ ame Obaŋa oketo, pien kwogi en remogi; ŋat ame ocamo, abino miyo waŋe rwenyo oko.

¹⁵Dok dano moro keken ame ocamo gin ame oto kene, onyo lee ame ŋuu omwodo, kadi bed ŋat onywalo i lobowu-nono, onyo arokkoro ame bedo i akinawu, bino lwoko boŋŋi mere, te lwoko daŋ kome kede pii eka te bedo ŋat a cik ogeŋo tuno naka otyeno; te doŋ bedo ŋat olony.

¹⁶Ento ka mom olwoko, onyo mom olwoko daŋ kome kede pii, ballere bino bedo gire i wie.”