Read lango Olevi 24 Bible Online

Olevi 24 - lango bible

Olevi 24

¹Rwot okobbi Muca ni,

²“Cik jo Icrael kel baŋi moo jeituni ame oodo, ote liyo acil, me ony i tara ote weko bedo lyel nino ducu kun mom to.

³Aron ocan mac olyel i nyim Rwot didik cakere otyeno naka odiko, kun ocano i kema me rwatte, oko i ŋe boŋo icika ame tye i nyim canduk me kop caden; mano en cik atwal tuno naka i kare ikwaewu ducu.

⁴En bino cano tara kakare i wi gi-cibo tara me jabu ame olio acil i nyim Rwot kare luŋ.

⁵“Ibino dok juko moko apwottere, ite tedo kede ogati apar wie aryo, kun ogati acel acel donyo iye moko gwata aryo.

⁶Ibino canogi yore aryo, kun iryeogi abicel abicel i wi meja me jabu olio acil.

⁷Ket odok luban ame olio acil i yore acel acel, me bed karacel ogati acalo gin me po ame owaŋo i mac baŋ Rwot.

⁸I nino me cabit luŋ Aron bino ryeyogi kare luŋ i nyim Rwot pi po Icrael; en gin me cikere ame ri nakanaka.

⁹Mano bino bedo pi Aron kede awobe mere; gin bino camo kakannoro acil, pien mano en gin acil meicel ame omie i kom mot ame owaŋo i mac baŋ Rwot, ame myero mi baŋe didik.”

¹⁰Doŋ nino moro wot a dako moro ame obedo nyaka lo moro me Icrael, ame pappere onwoŋo dano moro me Miciri, owoto i akina jo Icrael; eka en wot a dako moro ame obedo nyaka lo moro me Icraellono te ero da i gony gin i dano moro me Icrael.

¹¹Wot a dako ame nyaka lo moro me Icraellono te cako yeto nyiŋ Obaŋa, kun daŋ ceno-gu. Awobi-nono rik ote tero baŋ Muca. Nyiŋ tottere onwoŋo Celomit, nyaka Dibri me atekere a Dan.

¹²Gin rik te kete i buc, tuno waŋ ame onyuto baŋgi gin a Rwot mito.

¹³Rwot te kobo baŋ Muca ni,

¹⁴“Ter lon ame oceno cen ca oko i ŋe gony, mi jo luŋ ame rik owinyo koppere ket ciŋgi i wie, eka ite weko lwak luŋ nanapo en oko i gweŋe,

¹⁵Yin doŋ kobbi jo Icrael ni, Ŋat oceno Obaŋa mere, ballere bino bedo gire i wie.

¹⁶Ŋat oyeto nyiŋ Rwot obino neko oko; lwak luŋ bino nanapo en i gweŋe. Arok karacel kede anywalli, ka oyeto nyiŋ Obaŋa obino neko oko.

¹⁷Ŋat oneko dano, obino daŋ neke oko.

¹⁸Ŋat oneko lee bino culo waŋe acula; obino culo kwo kede kwo.

¹⁹Ka ce ŋattoro obalo dul kom awottere, en daŋ obino time kittono;

²⁰ka oturo cogo obino daŋ culo i turo cogo, wan kede waŋ, lak kede lak; kite acalo en obalo kede dul kom awottere en daŋ obino balo mege.

²¹Ŋat oneko lee bino culo waŋe acula; ŋat ame oneko dano obino daŋ neko oko,

²²Cik bino bedo acel pi arok kede anywalli; pien an a Rwot Obaŋawu.”

²³Muca daŋ te cako kop baŋ jo Icrael; gin te tero lon oceno Obaŋanono oko i ŋe gony, ote nanapo oko i gweŋe. Jo Icrael daŋ otimo kittono, kite ame Rwot ociko kede Muca.