Read lango Olevi 5 Bible Online

Olevi 5 - lango bible

Olevi 5

¹“Ka ce dano moro obalo i yore magi: ka ce en owinyo alama ame olamo i kom lwak ni jo myero mi caden, kun en daŋ caden ame oneno onyo oniaŋ koppere, eka mom te tuco, ballere bino dok i wie.

²Onyo ka dano moro ogudo gina me cik ogeŋo, kadi mom lee tim oto, onyo kom lee me paco ame cik ogeŋo, onyo kom ginnoro ame nya corre i lobo ame cik ogeŋo, kun mom oŋeo, ame en te doko ŋat a cik ogeŋo, en nwoŋo oroco.

³Onyo ka ogudo ginnoro ame cik ogeŋo i kom dano, kadi bed kodi ŋo-nono ame nwoŋo cik ogeŋo ame mio dano doko ŋat a cik ogeŋo, kun en gire mom oŋeo, ka doŋ oniaŋ iye, en nwoŋo oroco.

⁴Onyo ka ŋattoro oruye kwoŋo kwoŋŋoro kun mom koŋ otamo tere, pi timo gin arac onyo aber, kite kwoŋŋere-nono, ka en doŋ oniaŋ iye, en nwoŋo oroco, ka ce en otimo moro acel i akina magi.

⁵Ka ŋattoro otimo bal i akina magi, myero en tuc bal ame etimo-nono oko,

⁶en te kelo mottere me walakino i roc baŋ Rwot pi ballere ame etimo. Bino kelo akale romo onyo akale dyel, me bed mottere me bal; alamdog bino tiyo tic me kwanyo bal a dano-nono i keme.

⁷“Ento ka en acan a mom twero nwoŋo romo, en bino kelo baŋ Rwot amam aryo onyo itino awele aryo me mottere me walakino i roc pi ballere ame en otimo; acel bino bedo mot me bal, eka en ocele te bedo mot me awaŋa.

⁸En bino kelogi luŋ baŋ alamdog, alamdog bino geyo yalo Rwot i mot me bal. En bino mojoro ŋute oko, cite mom bino ŋuno wie;

⁹en bino totono remo mogo me mot me balloro i ŋet keno lam; remo odoŋŋere luŋ en bino dwidwinyo oko kun mio cwer i te keno lam; mano en mot me bal.

¹⁰Icennere alamdog bino yalo Rwot i me aryo mere me mot awaŋa kun waŋo kite ame ociko; alamdog bino tiyo tic me kwanyo bal a dano-nono, pi ballere ame en otimo, Rwot daŋ bino weko ballere.

¹¹“Ento ka en acan a mom twero nwoŋo amam aryo onyo itino awele aryo, en bino kelo moko kwon apwottere gwata acel me yalo Rwot pi ballere ame etimo, me bed mot me bal; en mom bino onyo moo moro iye, kur daŋ ket iye odok luban, pien mano en mot me bal.

¹²En bino kelo baŋ alamdog; eka alamdog te juko poŋ ciŋe acel te waŋo me po i kome i keno lam i kom mot awaŋa i mac baŋ Rwot; mano en mot me bal.

¹³Alamdog bino tiyo tic me kwanyo bal a danonono i kome kittono pi balloro ame en otimo i akina magi, Rwot daŋ bino weko ballere. Moko odoŋŋere bino bedo me olamdog, kite ame timere kede i mot me moko kwon.”

¹⁴Rwot okobbi Muca ni,

¹⁵“Ka ce dano moro obwolo Rwot, mom omio ginnoro acil ame myero mi baŋe, kun mom obalo me akaka, en bino kelo baŋ Rwot nyok a roccoro mom i kome ame okwanyo i akina rommi me bed mottere me walakino i roc, ame wellere yin iŋolo i cekel me ryal kun ilubo kit cekel ame otio kede i kabedo acil; mano en mot me walakino i roc.

¹⁶En myero daŋ cul waŋ gin ame en obalo i kom jami acil, kun medo iye acel me abic, eka te miyo baŋ alamdog. Alamdog bino tiyo tic me kwanyo bal i kome i nyok romo me walakino i roc, Rwot daŋ bino weko ballere.

¹⁷“Ka dano moro obalo kun otio ginnoro acel ame Rwot rik ociko ni kur tim, kadi bed mom oŋeo, nwoŋo en oroco, ballere bino dok gire i wie.

¹⁸En bino kelo nyok a roccoro mom i kome baŋ alamdog, nyok ame en okwanyo i akina rommi, ame wellere yin iŋolo, i wel a mot me walakino i roc. Alamdog bino tiyo tic me kwanyo bal i kome, pi bal ame en opoto iye, kun mom otimo me akaka, Rwot daŋ bino weko ballere.

¹⁹Mano en mot me walakino i roc; en nwoŋo oroco i nyim Rwot.”