Read lango Jeremia 13 Bible Online

Jeremia 13 - lango bible

Jeremia 13

¹Rwot dok te kobba ni, “Wot iwil bono camanini ame oruko i pyer, me itwe i pyeri cite kur ilut i pii kadi acel.”

²An daŋ ate lubo kop a Rwot, ate wot wilobono-nono, ate daŋ bino ruko i pyera.

³Rwot dok te kobba tyen me aryo mere ni,

⁴“Gony doŋ bono-nono oko i pyeri, ya iwot i dog kulo Epurate, wot ikan oko kunu iyi akina kiddi ame obarre.”

⁵An daŋ ate ya wot, ate wot kano bono-nono i Epurate, kite ame Rwot ocika kede,

⁶Kare ame kare doŋ okato alalac. Rwot dok te kobba ni, “Aco dok i dok i dog kulo Epurate me iwot ikwany bono ame rik ikano kuno-ni,”

⁷An daŋ dok ate wot i dog kulo Epurate ate wot kunyo bono ca kwanyo oko i kan ame onwoŋo akano iye. Ate nwoŋo boŋo naca doŋ oballe oko ame konnyere doŋ mom.

⁸Rwot dok te kop keda ni,

⁹“Abino daŋ balo awaka a jo Juda kittono karacel kede wakere a Jerucalem ame dwon meicel wok-ki.

¹⁰Jo man areco ame dag winyo koppa-ni, ame olubo ka tam ame ya i cunygi apala apala, dok obedo lubo gigi obaŋe mogo ocele, kun owo rogi dok daŋ otio pirgi. Abino miyogi obedo calobone-ni ame konyere doŋ mom.

¹¹Kite acalobono pyer moko i pyer, amannono daŋ onwoŋo amio jo luŋ me ot Icrael kede me ot a Juda omoko amoka i koma me gin obed jo ame mio nyiŋa bedo aber i akina rok ocele dok omio opaka dokoketo kwogo i koma, cite gin gigi okwero winyo koppa oko, man kop a Rwot.”

¹²Rwot okobbi Jeremia ni, “Yin ibino kobbigi ni, ‘Kono olok bino poŋ gulo acel acel, gin bino gamo koppi ni, “Ce ni wan mom oŋeo ni kono olok bino poŋ i gulo acel acel?” ’

¹³Yin dok ite kobbigi ni, ‘Nen ba, Rwot okobo ni ebino miyo jo luŋ ame bedo i lobo-ni mer i kono. Obakki ame bedo i kom loc a Daudi, olamdog, odwarpiny, karacel kede jo luŋ me Jerucalem.

¹⁴Abino cacanyogi piny, kun acanyo ŋat acel acel i kom wadgi, odoŋe kede awobegi karacel. Mom abino paro, mom abino koyo ŋattoro dok kica mom bino maka kadi acel ni mom myero anekgi.’ ”

¹⁵Cik yitwu iwiny wunu, kur iwakere wunu, pien Rwot doŋ okobo.

¹⁶Mi wunu kwogo baŋ Rwot Obaŋawu, kun en mom ru omio piny ocido, ame tyenwu mom ru otwomere i ginnoro, colpiny ame tye i wi kiddi malo, kun en mom ru omio odoko twon mutu acol icuc en te loko lero-nono doko twon ginnoro acel odoco.

¹⁷Cite ka ce mom ibino winyo wunu koppa, abino kok liliŋ i cunya pi wakerewu, abino kok atek ame pig waŋa ryoryo tye aony piny aonya, pien jo a Rwot doŋ otero oko i opii.

¹⁸Kob baŋ abaka kede baŋ tottere ni, “Gin myero oya oko i komgi obin i kabedo i piny, pien kwogogi ame malo wokkono, doŋ oya oko i wigi obino piny.

¹⁹Boma a jo Negeb luŋ doŋ ocego oko, ame ŋattoro ame twero yabo mom tye, jo Juda luŋ doŋ otero oko acalo opii, gin luŋ aluŋa oterogi oko opii.

²⁰“Koŋ itiŋ waŋi malo me inen, jo ame tye abino i tutuŋ anyarodi. Lwak jo apipim ame rik omiowuni kara aman tye kwene, lwak jowu abeco wok-ca?

²¹Kara ibino kobo ŋo ka ce jo ame yam yin ipwonyo i komi ni gin bin bed owotewu, doŋ tye ka loyowu? Rem mom bino ciri oko, calo dako amerem me nywal ogoo.

²²Dok ka ikobo i cunyi ni, ‘Piŋo kara kodi gin-ni otimere i koma Otimere pien balli doŋ dwon atek meicel, omio naka boŋo i pyeri oelo oko, ame mato ayet a jo doŋ ociri oko.’

²³Dano me Eciopia twero loko del ko me, akadi kwac aliŋaliŋa mere? Ka ce amannono, wun ame iŋa wunu ti mo gin arac keken-ni daŋ itwero pwonyere wunu me timo gin aber.

²⁴Abino keketowu atata calo cun kai, ame yamo ame kodo i tim kolo te tero oko,

²⁵Man en gin ame doŋ atyeko pokki, megi ame doŋ atyeko pimo oko piri, pien wii owil oko i koma, ite luŋyo geno goba, man kop a Rwot okobo.

²⁶An ikoma abino elobono i pyeri ate bolo i nyimi malo, komi me lweic te nen kannaler.

²⁷Atyeko doŋ ŋe no gin me kwer ame itimo wunu, tim me cot kede koko me agoma yic, kede tim me alaya ame i bedo ti mo wunu i wi kiddi malo. Can i wi Jerucalem doi! Man kara bino bedo ri kare a rom mene ba, kun mom ru omiowu idoko wunu acil?”